الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
جيت أغني بالجاز لي ..... (من أشعار العامية المصرية)
احمد علي بدوي
2016 / 8 / 25الادب والفن
ملّسى بإيدك جبيني
و امسحي عرق الشقا
و الا بإيديكى تجيبيني
تحت حبل المشنقة؟؟
****
إمسحي عرق كسوفي
شجعيني ع الكلام
حلّي بُقّى من حروفي
شبّعينى من اللُّغَة
عايز الاغى يا حبيبتى
بس .. ما اعرفش اللُغَى
أصل انا اتعودت أغني
بس اخاف اسمع لى صوت
لو تشيلى الحِمْل عني
ربما أقدر أفوت
جُوَّة خُرم إبَر سكوتي
و امشي ف الزحمة ما اموت
بس شرطاً من شروطي
ألتقي للصوت صداه
الفضا بيبلع كلامي
قبل ما يوصل مداه
و المدى ع البُعد رامي
ضِلُّه مَحْنِي ع الجدار
و الجدار رخو و هلامي
عُمرُه ما يحوش الغبار
و الغبار يسفِي ف ودانهم
الوجوه الشاحبة خوف
تندلق دمعة آدانهم
تحت مادنة الحروف
من سبيل الآهة مُر
(و انتى حُرّة .... و انا حُر)
يبقى مين فينا الأسير
اللى واقفين فى الهجير
فى انتظار المهدي يجي
بين إيدين دجال جديد
و الاّ .. صفّ من العبيد
اللى كانوا فى الخوالي
فوق (خطوط النار) لهيب
يحرق الوجه الكئيب
.........
........
(يا زمان الوصل / سينا)
يا زمان القطع / ديفيد)
(يا زمان السعد / شاذلي)
جيت أغنّي باللى جاز لي
و اللى ما جازليشي ياما
لو فتحت ابواب منازلي
تهجر العشّ اليمامة
و ان بلعت كلام عواذلي
تحرق الكبد الملامة
و العيار اللى اتحجز لي
إن ما صابشي و بات ف قلبي
يكفَى دَوشة البارود
و انتى ياه غلّبتي غُلبي
الكلاب واكلة الأسود
بدلة السّجّانة بمبي
و عسكر الهجّانَة سُود
و الهوا كسّر مراكبي
و الهوى دوبني دُوب
يا ترى يا ام (الغلابة)
عن هواكى رايح اتوب؟؟
ياللى توّهتي الطيَابَة
بين ببانك و الدروب
|
|
التعليق والتصويت على الموضوع في الموقع الرئيسي
.. بعد فوز فيلمها بمهرجان مالمو المخرجة شيرين مجدي دياب صعوبة ع
.. كلمة أخيرة - لقاء خاص مع الفنانة دينا الشربيني وحوار عن مشو
.. كلمة أخيرة - كواليس مشهد رقص دينا الشربيني في مسلسل كامل الع
.. دينا الشربيني: السينما دلوقتي مش بتكتب للنساء.. بيكون عندنا
.. كلمة أخيرة - سلمى أبو ضيف ومنى زكي.. شوف دينا الشربيني بتحب
