الحوار المتمدن - موبايل
الموقع الرئيسي


القرد الهربان من جبلاية القرود ..بيتكلم سياسة..؟!!

خليل صارم

2005 / 12 / 25
كتابات ساخرة


المكان : حديقة الحيوان – جبلاية القرود – القاهرة .
الزمان : دلوقت .. حالاً
الموضوع : إضراب القرود عن الطعام والتظاهر تحت شعار ياالكل بره ياالكل جوه
- في التفاصيل .. أن أحد القرود .. قد تمكن من الإفلات من الجبلاية .. بعد أن تمكن من مغافلة الحارس .. ويقال أن هناك تواطؤاً ..ما بين الحارس .. وبعض القوى الأجنبية ..مكنت القرد الفار من الافلات .. والتنكر بزي إنساني .. وهو يعيش الآن في الخارج متنكراً .. يزعم أنه كاتب وباحث سياسي ..
س - في لقاء مع كبير جبلاية القرود ..دار الحوار الصحفي التالي .
سيادة زعيم القبيلة : لماذا كل هذه الضجة على فرار قرد واحد ؟.
ج – المشكلة ..مش في الفرار .. المشكلة أنه أساء لكل قرود العالم .
س - ازاي يافندم . هوه أساء في ايه ..؟
ج : ايه حكايتكم يابشر .. كل حاجة عندكم سهلة .. أول حاجة انه طلع من جلده ودي حاجة لايستهان بيها .. يمكن بقية القرود المفاعيص يقلدوه .
والتانيه انو بيتكلم في السياسة ..ودي حاجة مش كويسه عشان القرود .
صحيح انو فيه ناس منكم زينا أصلاً وربنا مسخ اجدادهم قرود .. مش لازم نعمل زيهم ..وبعدين ربنا حايمسخنا لأيه ..؟؟
س : لأيه .. يازعيم .
ج : يضحك زعيم القرود ..ايه .. يعني عاجبك شكل أخينا الهربان ده .. مش معروف قرد .. ومش معروف بني آدم . ادي احنا اتفضحنا .. وكان اللي كان . لأ ولابسلي كرافته وبينشر صورته في النت .. انت عايز فضيحة أكبر من كده .
س : وماله يازعيم .
ج : روح ياشيخ بلا زعيم بلا نيله .. القرد ..ده .. خلى فيها زعيم .. جاتو خيبة على خيبتو . عشان يبقو خيبتين .
س : انت قريت اللي كاتبه يازعيم .. ؟
ج : أيوه .. قريت .. والفضيحة .. انو بقى بياخد حبوب هلوسة .. ده مش بيكتب ده بيهلوس .. ايه حكايتو القرد ..ده .. همه بيدولوا موز زيادة .. بيدللوه .. طب ليه .. ده مهمن راح .. ومهمن جه .. حيفضل قرد .. ربنا ستر ..أمه ميته واللا كانت شافتو غزال .. هم مش بيقولوا القرد ف ..عين امو غزال .
س : همه صحيح بيدولوا موز .. زيادة .؟؟
ج : وانت مستغرب ليه .. ايوه بيدولو موز .. وصومالي كمان .. انت مش قريت اللي كتبو .. ده من تأثير الموز الصومالي .. وحبوب الهلوسة .. ده اتلخبط .. خش دماغو في جزمتو ..وبقى بيطلش يمين وشمال ..
س : مش حاتفكو الاضراب يازعيم ..
ج : يستحيل .. ياالكل بره .. ياالكل جوه .. يبعتوا يجيبوه بطيارة واللا بقفص .. ف..أي باخرة واللا داهيه .. المهم يجيبوه .. ويوقفوا فضايحنا . عشان نحاسبو على طريقتنا ..هنا .
س : ازاي .. يازعيم .. ؟
ج : بعصبية .. يضحك .. وانت مالك .. انت .. دي طريقتنا .. روح ..روح .. عيب دي ماتكتبهاش .. احنا مش ناقصين فضايح ..
******** انتهى التحقيق *************





التعليق والتصويت على الموضوع في الموقع الرئيسي


اخر الافلام

.. لما تعزم الكراش على سينما الصبح ??


.. موسيقى وأجواء بهجة في أول أيام العام الدراسى بجامعة القاهرة



.. بتكلفة 22 مليون جنيه.. قصر ثقافة الزعيم جمال عبد الناصر يخلد

.. الكلب رامبو بقى نجم سينمائي بس عايز ينام ?? في استوديو #معكم



.. الحب بين أبطال فيلم السيد رامبو -الصحاب- ?