الحوار المتمدن - موبايل
الموقع الرئيسي


وافيق

سليمان الهواري

2016 / 11 / 1
الادب والفن



وافيق
موحسين قتلوه قطاعين الطريق
ياك المغاربة غي اوباش
قالها باه
علاش يعيشو كاع علاش
هو قادر يقتل الثولثاين
و الثولوث كافيه
باش يريش بوهوم ترياش
موحسين طحنوه طحين
شكون يقدر يسول كيفاش
قاليك
صيفطو لجنة تحقيق
قالها مول الفيرمة
و هو داير من بلاد ل بلاد
ل جوزور الموزامبيق
صيفط شاف الشيوخة و المقدمية
سماه وزير داخلية
و كيف عادة الحلايقية
خناشي سكار و زيت
غبرة دردرها على ولاد العفريت
ها الحسيمة بردات
و ها نتا طفيتي الحريق
وافيق
موحسين قتلتوه
مع سردينو طحنتوه
مع زبلكوم درتوه كفتة شرملتوه
الله ياخد فيكوم الحق يا بلاد الطرطيق
وافيق
قاليك لجنة تحقيق
و طلع وهبط كلام هنا كلام لهيه
سياسة تاحراميات هادا حكام التخربيق
وافيق
طلعتو لينا ف راسنا
عيينا من حكامكوم برلمانكوم ووزاراءكوم
بغينا وطان
كرامة
حرية
عدالة
بغينا وطااان
ولا جمعوا كلابكوم و مخزنكوم
سيرو فحالكوم
شدو الطريق
***رضا الموسوي***





التعليق والتصويت على الموضوع في الموقع الرئيسي


اخر الافلام

.. تفاصيل إصابة الفنانة سمية الألفى بحالة اختناق فى حريق شقتها


.. الممثلة ستورمي دانييلز تدعو إلى تحويل ترمب لـ-كيس ملاكمة-




.. عاجل.. تفاصيل إصابة الفنانة سمية الألفى بحالة اختناق فى حريق

.. لطلاب الثانوية العامة.. المراجعة النهائية لمادة اللغة الإسبا



.. أين ظهر نجم الفنانة الألبانية الأصول -دوا ليبا-؟