الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
وافيق
سليمان الهواري
2016 / 11 / 1الادب والفن
وافيق
موحسين قتلوه قطاعين الطريق
ياك المغاربة غي اوباش
قالها باه
علاش يعيشو كاع علاش
هو قادر يقتل الثولثاين
و الثولوث كافيه
باش يريش بوهوم ترياش
موحسين طحنوه طحين
شكون يقدر يسول كيفاش
قاليك
صيفطو لجنة تحقيق
قالها مول الفيرمة
و هو داير من بلاد ل بلاد
ل جوزور الموزامبيق
صيفط شاف الشيوخة و المقدمية
سماه وزير داخلية
و كيف عادة الحلايقية
خناشي سكار و زيت
غبرة دردرها على ولاد العفريت
ها الحسيمة بردات
و ها نتا طفيتي الحريق
وافيق
موحسين قتلتوه
مع سردينو طحنتوه
مع زبلكوم درتوه كفتة شرملتوه
الله ياخد فيكوم الحق يا بلاد الطرطيق
وافيق
قاليك لجنة تحقيق
و طلع وهبط كلام هنا كلام لهيه
سياسة تاحراميات هادا حكام التخربيق
وافيق
طلعتو لينا ف راسنا
عيينا من حكامكوم برلمانكوم ووزاراءكوم
بغينا وطان
كرامة
حرية
عدالة
بغينا وطااان
ولا جمعوا كلابكوم و مخزنكوم
سيرو فحالكوم
شدو الطريق
***رضا الموسوي***
|
|
التعليق والتصويت على الموضوع في الموقع الرئيسي
.. وفاة زوجة الفنان أحمد عدوية
.. طارق الشناوي يحسم جدل عن أم كلثوم.. بشهادة عمه مأمون الشناوي
.. إزاي عبد الوهاب قدر يقنع أم كلثوم تغني بالطريقة اللي بتظهر ب
.. طارق الشناوي بيحكي أول أغنية تقولها أم كلثوم كلمات مش غنا ?
.. قصة غريبة عن أغنية أنساك لأم كلثوم.. لحنها محمد فوزي ولا بلي
