الحوار المتمدن - موبايل
الموقع الرئيسي


هيّه كوّه

محمد الذهبي

2016 / 12 / 23
الادب والفن

هيّه كوّه
محمد الذهبي
هيّه كوّه
اسنينه طاحت غفل
مدري جيب الله تركها
مدري بابه ابلا قفلْ
×××
هيّه كوّه
لهفة العاشك مصيبهْ
تدور باطراف الكصيبهْ
×××
مانريد اهواي نوكف بالمحطه
شو قطار الليل فات
ومن قطار الصبح يوصل
خلي ايدك علجروح
وشوف ياجرح الكبل خلانه ماتْ
×××
هيّه كوّه
حته لو ارجع شباب
انته انته
اشما اسولف بيك
تطلعلي ابعذابْ
×××
هيّه كوّه
العمر طاسة ماي طاحت علتراب
وآنه صافن
يرجع الماي التبده
لو حلاة الروح تتمنه الشبابْ
×××
هيّه كوّه
اشتلعب العبْ
مايفيد وياك دين
ولايفيد اوياك مذهبْ
×××
هيّه كوّه
كلب مبيوع اشتريتْ
عاملت موخوش عمله
وايست تالي وطفيتْ
×××
هيّه كوّه
تلجي كل اجعابهم
بس جعبي نايم
خلصت كل القوافي وآنه هايم
×××
هيّه كوّه
مرّه شفتك وانتهيت
ومرّه
صادرت الكلب مني ومشيتْ
×××
هيّه كوه
ايدي ماتوصل عنبكم
صار مدري اشكد اكمز علعنب
لا لعب وياي واحد
بس كتبتولي التعبْ
×××
هيّه كوهْ
حسرة الماضي جبيرهْ
بعنه بيه ايامنه وذيج الضفيرهْ

---

---

---

التعليق والتصويت على الموضوع في الموقع الرئيسي

---

.. -أنا مع تعدد الزوجات... والقصة مش قصة شرع-... هذا ما قاله ال


.. محمود رشاد: سكربت «ا?م الدنيا 2» كان مكتوب باللغة القبطية وا




.. جائزة العين الذهبية بمهرجان -كان- تذهب لأول مرة لفيلم مصري ?


.. بالطبل والزغاريد??.. الاستوديو اتملى بهجة وفرحة لأبطال فيلم




.. الفنان #علي_جاسم ضيف حلقة الليلة من #المجهول مع الاعلامي #رو