الحوار المتمدن - موبايل
الموقع الرئيسي


9 صور

طارق سعيد أحمد

2017 / 1 / 15
الادب والفن


وشك منحوت
علي صخرة
نصها غرقان
والنص التاني
جبل في صحرا
انت ليه؟!
وازاي ؟!
.........
امسك بإيدك
قلبك المستطيل
امشي برجليك في الطين
انت مش شجرة
صورة 1

بتعيش ع الحلم
مش فيه
وتمد ببصرك وتمد
تمد
لحد ما تجري
انت ليه بتحس
بالشوارع
والحيطان
والكراسي
والبيوت
اغسل وشك
دمك غرقني
فكرني بخدود وشفايف
معرفش دلوقتي لونها إيه

صورة 3

شايف التمثال منين
ولا انت مش همك
رتوشي
وسمكي
ومكاني
وسط الميادين الكتيرة
حرك عيونك
الساكتة
وكلمني بأي حروف
وما تسبنيش
يطوف جوايا صوت الصخر
ميدوزا
استوطنت ع الأرض
لمست عينيها
الحلم
الفكرة
ولون الورد



صورة 5
بقيت ممل
أكتر من شروق الشمس
ومن غروبها
ممل أكتر من زمن محبوس
في لوحة
أكتر من طعم لسانك
وعيونك دايما شايفة مربعات
بالأبيض والأسود
وانت كل اللي بتعرف تعمله
تاخد خطوة لقدام








التعليق والتصويت على الموضوع في الموقع الرئيسي



اخر الافلام

.. أوس أوس: هتشوفونا بشكل مختلف في فيلم عصابة الماكس وكل المشاه


.. مؤلفين عصابة الماكس: الفيلم قائم على العائلة وأهميتها.. ومشا




.. لبلبة وأوس أوس ونجوم مسرح مصر يحضرون العرض الخاص لفيلم عصابة


.. كل الزوايا - رعب وكوميديا وأكشن .. دليلك لأبرز أفلام عيد الأ




.. كل الزوايا - تعرف على خريطة عرض السينمات المصرية في عيد الأض