الحوار المتمدن - موبايل


قصيدة رد للنائبة جميلة العبيدي

حذام الحداد

2017 / 3 / 18
الادب والفن


صارلنه دهر نسمع قرارات
من بُلـْدان وشْعوب وحكومات
ماصادفت فتوه من الفتاوات
غايتهه الخراب وهدم العايله
الاحوال صارت مايله

يانايبه طبقي ولاتخذلينه
نريدچ بالأول رجلچ تزوجينه
وانت بأيدچ لمريته تزفينه
كوني قدوتنه وصيري عادله
الاحوال صارت مايله

هنياله العراق بهيچ عقليّه
مثل هيلاري أنتِ وأحسن شويّه
قراراتچ صحيحه ميّه بالميّه
السجن المؤبّد للمره المتخاذله
الاحوال صارت مايله

شماله هالوطن وطن الحضارات
وضعه تردّه للأسف وأنترس عاهات
يوم صخره، ويوم گيزر، واقتراحات
خجلنه من أهل العقول الجاهله
الاحوال صارت مايله

بقرار من الحكومه المَرَهْ تنهان
والمخلص يفر براسه ويظل حيران
لو يرضخ لجل يحصّل الأمان
لو ينعدم من ورهْ الفتاوي الباطله
الاحوال صارت مايِله

تجارة نسوه صارت على المكشوف
بحجة عشرة ويّاهن بالمعروف
كل وحده بسعر والعايش يشوف
خلْفَ الله على الايام الراحله
الاحوال صارت مايله








التعليق والتصويت على الموضوع في الموقع الرئيسي



اخر الافلام

.. كلمة أخيرة - الفقرة الثالثة - لقاء حاص مع الكاتب والأديب يو


.. برنامج المواجهة - مِن مَن يعتذر الممثل يوسف الخال؟


.. بيت القصيد | الممثلة اللبنانية ميراي بانوسيان | 2021-04-10




.. كاظم جهاد: تاريخ الفلسفة هو تاريخ الترجمة واستقلالية الإنسان


.. الأدب العربي بين الأسطورة والخرافة في الجزء الثاني مع الأديب