الحوار المتمدن - موبايل
الموقع الرئيسي


من محابق لكلام ... زجل

عبدالعاطي جميل

2017 / 4 / 4
الادب والفن


من محابق لكلام *
.....................
إلى الصديق الشاعر والباحث إدريس بلعطار
......................................................
ف مجمع لكلام *
وعش الخاوة *
بلسان الجمر *
قطفت طبيق الورد *
ف ضوو الكمرة *
خير وسلام
.............
.............
شمس الما * ضحكات
و ثريا د الروح * تبسمات
و مات غوات الخوف
ضوات حروف الروح .
من هنا بدات التزغريدة
من هنا شدات التفدفيدة
ف شون الخاطر
و سوالف الجدبة تدلات
وكارة لكلام كبرات
ف عين الوقت
و هاذ لعجاجة فراجة
ف البال ولات مصيدة
سرقت خلخال لقصيدة *
من كناش المعاش *
و بقيت هايم
كيف لبهيمة
دايع من حومة لحومة
كيف مجنون هشومة *
ف كلام لغرام تدحا
كيف مسمار جحا
للي وحل ف حبل لمصيدة
ف عكبة لقصيدة
والله حتى نهدر ..
كالت لي لحبيبة
طرزت ليك سرابة
من دكيك الزهر .
منو تعجن
شلا كتبة
منو تدفن
شلا نذبة
عروق الكذابة حطابة
ناشفة
وخا تعيا تدهن
تشعل فيك الجمر ..
بخ الورد
بخ السعد
و زطم ع الما *
تطلع حلاوتو معاك
و تكول ما كال الراشق
والزين الشارق
الغارق ف لبحر :
" الزطمة الاولى احلوة وبنينة
ما فيها حقد ولا ضغينة
ازطم الزطمة صحيحة
و دير زريعة مليحة
لا تعول على غلة الجريحة " ..
بخ الورد
بخ الشهد
ع الهم لمعاود *
تشوف سوة لبلاد
تقاقي وما فيها بيض
و قرا عليها لكريحة
كلام لملحون
يمحي لون الظلام *
كلام لملحون
سخون وما يخون
يعري سر الكون
بصوت لحمام
يدي و يجيب ف لكلام
و يثقب الرخام
و يكول بلا لجام :
الله يقرب شي شوكة
لسوة لعريان ..
هاني هاني
يا أم هاني *
كلك حناني
هواك داني
لشط لغرام
رضاك جاني
فهاذ زحام
و سوارت لمعاني
زادت لكدام
ف ليلة لتمام
كلمة مقبولة
ف ميزان لحزان
باتت بلا غشاوة
ف عش لخاوة ...
.......................
.......................
فبراير 2017
.........................
*توليفة من إيحاء عناوين بعض الكنانيش الزجلية المغربية .. على شكيلة قصيدة عش الخاوة للشاعرة المغربية نعيمة الحمداوي ...
...................................................................................................





التعليق والتصويت على الموضوع في الموقع الرئيسي


اخر الافلام

.. فيلم كارتون لأطفال غزة معجزة صنعت تحت القصف??


.. فنانة تشكيلية فلسطينية قصفولها المرسم??




.. فيلم -لا غزة تعيش بالأمل- رشيد مشهراوي مع منى الشاذلي


.. لحظة إغماء بنت ونيس فى عزاء والدتها.. الفنانة ريم أحمد تسقط




.. بالدموع .. بنت ونيس الفنانة ريم أحمد تستقبل عزاء والدتها وأش