الحوار المتمدن - موبايل
الموقع الرئيسي


قصيدة ستات و قادرة

جمال الشرقاوي

2017 / 4 / 17
الادب والفن

ستات و قادرة
أسد الشعر العربي ( جمال الشرقاوي )
قصيدة - ستات و قادرة -
من نظم الشاعر - جمال الشرقاوي -


ستات و قادرة تعمل عمايل
فــ لحظة تنسىَ كل الجمايل
تعرف تخون أيوة و تقدر
بقلوب تسوِّي فيك هوايل
ستات و قادرة

تغضب عليك تغضب قوي
تعند ع العِشْـرَة و تنزوي
تفكر تاخد إمتىَ التار
و قلبها ليك صاحي و شايل
ستات و قادرة

و لو زعلت و مجروحة
و دموعها م كانش ممسوحة
تصرخ لو حتىَ مفضوحة
و تميل مع البخت المايل
ستات و قادرة

تكدب كل يوم كدبة
توقـَّـع الدنيا فــ كُرْبَـة
و هىَ لا بتتعب حبَّـة
و لا ترحم الزوج العايل
ستات و قادرة

تخاف لكن م تختشيش
تغلط تخون تقول بعيش
دنا مظلومة و ما بياديش
و تعبت اراضي و أحايل
ستات و قادرة

تكتب تقول ــ ممنوع الخاص ــ
و تيجي تركب أزحم باص
نفسها تتحب يــ ناس و خلاص
م الآخر عانس مش طايل
ستات و قادرة

الكيد جُوَّاهم أصله عظيم
غلبوا كل شيطان و رجيم
معاهم يصبح أي لئيم
غبي مسكين أيوة و زايل
ستات و قادرة

عايزاك تعيش فــ أحلامها
و تسدَّأ ليها كل كلامها
م تكونش غيور جُوَّة غرامها
و ايَّاك فــ ميدانها تكون صايل
ستات و قادرة

القاهرة - مارس الأربعاء 29 - 3 - 2017 م الساعة 15و 2 ظهراً - جمال الشرقاوي - كاتب و شاعر -

---

---

---

التعليق والتصويت على الموضوع في الموقع الرئيسي

---

.. صباح العربية | الفنان السعودي سعود أحمد يكشف سر حبه للراحل ط


.. فيلم تسجيلي عن مجمع هاير مصر للصناعات الإلكترونية




.. جبهة الخلاص الوطني تصف الانتخابات الرئاسية بالمسرحية في تونس


.. عام على رحيل مصطفى درويش.. آخر ما قاله الفنان الراحل




.. أفلام رسوم متحركة للأطفال بمخيمات النزوح في قطاع غزة