الحوار المتمدن - موبايل
الموقع الرئيسي


يا جمل تاه فى جبال الصبر

إيرينى سمير حكيم
كاتبة وفنانة ومخرجة
(Ereiny Samir Hakim)

2017 / 4 / 17
الادب والفن


يا جمل صابر
وفى صحرا ارادتك مكابر
يابو زاد على أدك
وانت محدش أدك

يا معافر ومثابر
يا قاهر العواصف وف ثباتك فاجر

ياللى على جوعك قادر
ولعطشك غافر

هو يعنى الألم مابيخلصش؟
واللا نسيت امكانيات قدرتك
وكإن وصولك قبل كده محصلش؟!


يا سفينة صحرا
محمِّله امل ورايحة للمينا
ده اللى بيصاحبك عاشق صبرك
وواثق فى عزيمتك المتينة

افتكر ماضى امجاد قوتك
وركز على مستقبل اهدافك الرزينة
خلليك فى صبرك
وماتعملش للتعب قيمة

يا جمل تاه فى جبال الصبر
شمس مرساتك بتناديك
بكرة الفجر يطلع
والغروب مسيره للقبر





التعليق والتصويت على الموضوع في الموقع الرئيسي


اخر الافلام

.. لطلاب الثانوية العامة.. المراجعة النهائية لمادة اللغة الإسبا

.. أين ظهر نجم الفنانة الألبانية الأصول -دوا ليبا-؟




.. الفنان الكوميدي بدر صالح: في كل مدينة يوجد قوانين خاصة للسوا

.. تحليلات كوميدية من الفنان بدر صالح لطرق السواقة المختلفة وال



.. لتجنب المشكلات.. نصائح للرجال والنساء أثناء السواقة من الفنا