الحوار المتمدن - موبايل
الموقع الرئيسي


فانتازيا مصر الصبح والحرية

احمد حسن

2017 / 6 / 8
الادب والفن


من حوش قدم
من الف صدفة وصدفة غوايا
طلع الضرير ...أيه
طلع الغنا ... مع لفة الدايه
مصر الجديده .. بترضع الاناشيد
مصر القديمة .. حيت الازهر
الريف بيبعت من عطانته صبى
صعلوك / نبى/ عربيد /
خدام
وشايل سيف يقاوم سيد
راضع من الضحك العفى
ومن ليالى الحزن والمواجيد
جاى من بلد
لابسه الضباب
فوق بدلة العسكر
هذا السفيف / الفاجومى / الفسل
رمى عمره كله فوق وتر واحد
وترك .. ياشيخ اعمى
ونور واعد
با أزاز فانوس
زى الوريد فى الزند
......
مين حلمه كان اقدم من التانى
مين اللى وجعه اصيل
عن التانى
افروول فؤاد
او جبة الازهر
كان جرح يونيه بيدخل الكراريس
ومصر تدخل حوش قدم تسهر
معازيم فرح ... من غير عروسه وعريس
بيزغزغوا زغروطه مكتومه
وبيشتموا حكومه
وبيضحكوا ...
من ضربة الشومه
اصوات تفتش عن تاريخ ساكت
....
اعمى .. يولع شمعه للأمه
واونطجى بيكتب قصايد
زى حد الوعد
فانتازيا مصر الصبح والحريه
صوت الحديد والصلب عالسيكا
وضرير
بيسحب
أيد
وطن مجروح
يسحبنا صوته نقيد ..
وشوقنا يزيد
نحس بالمواعيد ..
وبالكلمه
...
الشيخ امام ... الصدفه .. والسنبله
مخبى فى النهاوند ... صوت قنبله
وكأنه عازمنا نهد الكون
فى سهره واحده
وكاس نبيت واحد
شرط الغرام والعشق كان البوح
غناكى يانسايه يامنسيه
سماكى سالمه.. واداكى اسم بهيه
بس انتى... زى الدنيا..
ملعونه
تغوى .... ومش مضمونه
دهب المعز بيسرقك من زقزقة
عصفور
وامام ... كبر
ادريس عجوز
ولسه مش عايز يجيه الدور
لف القادوس
سافر امام .. للشمس
للراحه
ولسه فارده
رموشك الدباحه





التعليق والتصويت على الموضوع في الموقع الرئيسي


اخر الافلام

.. حلقة TheStage عن -مختار المخاتير- الممثل ايلي صنيفر الجمعة 8

.. الزعيم عادل إمام: لا يجب أن ينفصل الممثل عن مشاكل المجتمع و




.. الوحيد اللى مثل مع أم كلثوم وليلى مراد وأسمهان.. مفاجآت في ح

.. لقاء مع الناقد السينمائي الكويتي عبد الستار ناجي حول الدورة




.. هشام حداد يستفز وسام صباغ.. وهل يسبق السوري اللبناني في التم