الحوار المتمدن - موبايل
الموقع الرئيسي


رحمك الله يا رشيد

سليمان الهواري

2017 / 6 / 20
الادب والفن

الى روح رشيد المستور.. شهيد القهرة و الحكرة ف بلاد الظلم ..
رحمك الله يا رشيد
*******************************************************
واش نتي بلاد
كيف طاوعك قلبك
تقطعي كبدتك
كلاوها الوغاد
ليك الله يا داك الجلاد
شحال من الف رشيد
عطاوك بالظهر
محسين طحنتيه
بحوتو
غصبتيه
ف زينة العمر
و شي قصد الموت
ياكلو الحوت
ف قلب البحر
واش نتي بلاد
عصابة تحكم سفات دمنا
قهرات منا زينة الولاد
شي يرشى ف السجون
شي هز حلامو قطع الوتاد
شكون يخلي ارضو
الى ما جرات عليه
شكون يخلي بلادو
الى ما زولات الضو
من قلب عينيه
ليك الله يا داك الجلاد
رشيد مات و شبع موت
رشيد خلا وصية لحفاد الحفاد
اللهم الموت
و لا عيشة الذل
هادي كلمة الاجداد
عقل
شعبنا غصة
ف حلق الظالم
غادي توحل
عقل
و زيد عقل
ليك الله أ داك الجلاد ..
*** سليمان الهواري / رضا ***

---

---

---

التعليق والتصويت على الموضوع في الموقع الرئيسي

---

.. بطريقة كوميدية.. الفنان بدر صالح يوضح الفرق بين السواقة في د


.. فايز الدويري: فيديو الأسير يثبت زيف الرواية الإسرائيلية




.. أحمد حلمى من مهرجان روتردام للفيلم العربي: سعيد جدا بتكريمي


.. مقابلة فنية | الممثل والمخرج عصام بوخالد: غزة ستقلب العالم |




.. احمد حلمي على العجلة في شوارع روتردام بهولندا قبل تكريمه بمه