الحوار المتمدن - موبايل
الموقع الرئيسي


تجار كذابين

جهاد علاونه

2017 / 10 / 2
كتابات ساخرة


دخلت الآن على مركز أو لنقل دكان صغير لبيع اكسسوارات الموبايلات والفلاشات , سلمت على صاحب المحل وسلم عليّ وحييتُ الجلوس بالتحية المتعارف عليها وهي السلام عليكم فحيوني بمثل ما حييتهم, ثم صمتُ قليلا وساد السمتُ في أرجاء الدكان وبعدها سألت صاحبه: عندك فلاشه صغيره لأضع عليها أغاني في السيارة, قال: أكيد عندي فلاشه 16 جيجا و8 جيجا, قلت: لتكن 8 جيجا, وضع لي عليها مجموعة أغاني أختارها أنا, قال: لا هيك بطولني حرام, انا بحطلك عليها اغاني من عندي مما هب ودب دفعة واحدة أما أن تختار فهذا حرام, قلت: شو الفرق يعني!! أمرك عجيب!! فقال: هذا اللي عندي, قبل ما افتحها وأطولها من الباكيت, فقلت: لالالا خليها بالباكيت كلشي ولا يطولك حرام.


خرجت من عنده ودخلت إلى محل جاره, وسلمت عليه وعلى الزبائن وحتى على جدران المحل وتبادلنا التحيات وسألته نفس السؤال وكان ممعن النظر في فيلم سكس مما شجعني أن أقص عليه قصتي مع جاره لأنني متأكد طالما أنه مدمن سكس فسينصفني ويثأر لي من جاره وأنال على حاسوبه مرادي, رد عليّ وقال: طبعا جاري معه حق هيك بطولنا حرام, عندها شمرتُ عن لساني وأسناني وقلت: قسما بالله أمركوا عجيب, يعني شو بدها تفرق معكوا؟؟ ما هو انتوا هيكوا بتتفرجوا على أفلام سكس بورنو!! طيب هاظا مش برضه حرام ولا أنا غلطان؟ قال: الحرام بطولنا احنا, أما انت تتذوق الحرام بسببنا فراح يطولنا إثم, قلت وأنا مبتسم: ياخي أنا بدي الحرام وانت شو دخلك!! فقال: روح شوف واحد غيري والله طلبك ماهوش عندي.

تركته وتحولت للشارع الآخر هنالك متجر آخر لعل وعسى: دخلت عليه, مرحبا وأهلين وسهلين اتفضل المحل محلك, قلت: بدي افلاشه تحطلي عليها أغاني من اختياراتي أنا, قال: المحل كله على حسابك ,قاطعته:(بديش يا رجل المحل بدي افلاشه عليها اغاني من اختياراتي), تبسم وعاد مرتجلا ليقول: بس أنا ما بشتغلش هيك شغلات عشانه حرام, بس بوديك على واحد بحطلك اللي انت بتختاره وبكلفك 20 دينار, قلت: يا رجل الدنيا مسا والله يمسيك بالخير, قال: يمسيك ربي بأنوار النبي, قلت: ما اختلفناش بس يعني شو هالمنطق, ما عندكيش طلبي وحلال وحرام ومش عارف شو وبالآخر بتقلي بوديك على واحد وبتكلفك 20 نيره(ليره) كل هذا على شان توخذ مني 5 دنانير زياده, يا رجل انت مثل اللي قال لصاحبه: صبلك كاسين عرق وإقلب الشبشب( الحفايه-الزنوبه) على شانه حرام, يعني بتحللوا اللي بدكوا اياه وبتحرموا اللي بدكوا اياه؟ قال: لو سمحت لا تعلمنيش الحلال والحرام, قلت: صح آسف, وبعدها خرجت من المحل قبل أن يطردني بطريقة أدبية, أو بالأندري الفصيح طردني.
وهذا الأسبوع مش أول مره بنطرد أو بنكحش من محلات تجاريه, الأسبوع الماضي واحد شاتني شلوط وطلعني برى المحل وراح ما يكتلني على شان (كتاوت) لضوء السياره, فتت محله وكان يصلي فصبرت حتى انهى صلاته فباركت له بصلاته ودعوت لها بالقبول: وحين سألته عن الكتاوت وهي قطعة مكثف توضع في لوحة فيوزات السياره, قال: طلبك عندي بس حقها 5 دنانير, عندها صُدمت من منطق الرجل لأن ثمنها في السوق البيضاء والسوداء والكحليه 1 دينار أو لنقل دينارين, فقال: عمي طلبك مش عندي, بعدها شمرتُ عن لساني وفتحت عيوني وسع فناجين القهوه السادى وقلت: يعني بدك تستغلني وتشلحني وتغتصبني غصب عني؟ يا رجل إتقِ الله, قال: لو سمحت اطلع برى أنا رجل بعرف الله من قبل ما تنخلق وهذي عليّ أنا ب4 دنانير وبربح فيها دينار, قلت: مش صحيح هذي عليك ب 75 قرش, قال جيبلي وانا بوخذ منك, قلتله هسعيات بروح وبجيبلك 200 حبه وببيعك الحبه بدينار وانا بربح ربع دينار يعني 25 قرش وانت اربح فيها دينار, قال: أنا حر اشتريتها بقرش واحد وبدي ابيعك اياها ب 5 عجبك عجبك ما عجبكيش الله يسهل عليك, يعني كحشني من دكانته بطريقة ادبية.


الله وكيلكوا صاير وين ما أروح انكحش وأتذوق طعم المسبات والشتائم وحاسس حالي عالة على الدكاكين والمحلات التجارية لأنهم كلهم تجار بالدين وأنا أخسر بهذه التجارة ولا أتقن فنها, وحالتنا أيام زماااان كانت تصعب على الكافر وابن الحرام, وهسع مش صعبانين على حد أبدا..وصرت أحس حالي كل ما بفوت على محل مثل الفيس بوك لما يبعثلي مسج ويقلي: الخادم وجد طلبكم مربكا ولا يعرف كيف يتعامل معه...والآن أبحث عن صاحب محل محترف للكذب والتجارة بالدين بلكي تعلمت وصرت معلم بالكذب عشان وين ما أروح ما أنكحشش بالشلاليط.





التعليق والتصويت على الموضوع في الموقع الرئيسي


التعليقات

1 - كله يبيع ويشتري باسم الوحش اي الدين
مروان سعيد ( 2017 / 10 / 2 - 11:28 )
تحية للاستاذ جهاد علاونة وتحيتي للجميع
بالحقيقة 90 بالمئة من البشر والرؤساء والملوك هم تجار دين وخاصة القساوسة والشيوخ حرق الله ذقونهم
وماريحة الا على الدراويش اصحاب القيم والاخلاق والمبادئ وهذه ما بتشربك مي يابو علي
سانصحك نصيحة السنة القادمة روح على الحج وحويلك مسبحة وشوف كيف احوالك رح تنعدل وخاصة بعد بوسة الحجر الاسود رح تبيض ايامك وتصير تشوف الدنانير عمتركض لعندك
وحتسوي اكثر من تجار السوق رح تبيع وتشتري بخلق الله والكل رح يصدقك
وصارة عندنا حادثة بحلب ثلاث حجاج شلحوا مدينة حلب وحواليها وكله بالدين والمحسوبية
واحد اسمه امينو والثاني كلاس ولااعرف اسم الثالث هم لايعملون بالفائدة لاانها حرام عملوا بالارباح وعلى اساس عندهم شركات ومزارع ابقار والكل كان يربح في الاول عطوا ارباح خيالية للذين وضعوا فلوسهم وبدؤا البشر يبيعوا ممتلكاتهم ويحطوا فلوسهم وفي ليلة ليلاء واحدهم افلس وركض الشعب عند الباقين افلسوا هم ايضا
ومودتي للجميع

اخر الافلام

.. مليون و600 ألف جنيه يحققها فيلم السرب فى اول يوم عرض


.. أفقد السقا السمع 3 أيام.. أخطر مشهد فى فيلم السرب




.. في ذكرى رحيله.. أهم أعمال الفنان الراحل وائل نور رحمة الله ع

.. كل الزوايا - الفنان يحيى الفخراني يقترح تدريس القانون كمادة




.. فلاشلايت... ما الفرق بين المسرح والسينما والستاند أب؟