الحوار المتمدن - موبايل
الموقع الرئيسي


طرطور دنيا و آخرة

أيمن غالى

2017 / 11 / 11
كتابات ساخرة

أرمل تقدم لخطبة أرملة ..
● و أنتَ كنت بتحب المرحومة مراتك ؟
○ طبعا؛ دى أم اﻻولاد .. و هل أنت كنتى بتحبى المرحوم جوزك ؟
● طبعا؛ دى عشرة عمر ..
○ طيب حا تختارى مين فينا زوج ليكى فى الجنة ؟
● أكيد هو .. أنا عشت معاه تلتين عمرى، و لو إتجوزنا مش حا أعيش معاك ربع السنين إللى عشتهم معاه .. أنت مش واخد بالك إنك عديت الستين من عمرك ؟ و بعدين أنت كنت متجوز, و أكيد المرحومة مراتك حا تكون لك زوجة فى الجنة، و المرحوم جوزى مش حا يبقى له غيرى .. يعنى انت عايزنى أعيش معاك فى الجنة على ضرة و أسيب جوزى عازب ؟!
○ بس أنا بأغير و مش حا أسمح لك تبقى لغيرى فى الجنة .. إزاى تبقى مراتى و تعيشى مع راجل تانى ؟! أنت شايفانى طرطور ؟!
● ما انت لا مؤاخذة كنت عايش مع المرحومة طرطور .. إيه المشكلة إنك تعيش طرطور دنيا و آخرة ؟!

من وحى مناقشة حقيقية

---

---

---

التعليق والتصويت على الموضوع في الموقع الرئيسي

---

.. احتجاجات في جامعة ديوك الأميركية ضد الممثل الكوميدي جيري ساي


.. المغرب.. إصدارات باللغة الأمازيغية في معرض الكتاب الدولي بال




.. وفاة المنتج والمخرج العالمي روجر كورمان عن عمر 98 عاما


.. صوته قلب السوشيال ميديا .. عنده 20 حنجرة لفنانين الزمن الجم




.. كواليس العمل مع -يحيى الفخراني- لأول مرة.. الفنانة جمانة مرا