الحوار المتمدن
- موبايل
الموقع
الرئيسي
قانون الأحوال الشخصية
ميسون نعيم الرومي
2017 / 11 / 14الادب والفن
![](https://ahewar.net/Upload/user/images/1a170671-cd26-49e7-94ea-e0e0f3f1f568.jpg)
قانون الأحوال الشخصية
ميسون نعيم الرومي
يا شعب تسكت ليش باعوْ بناتك
حيف او ألف ياحيف دنسوْ عباتك
***
لفـّـوهه بالجبات سموهه عوره
يا شعب نايم ليش ؟ سويهه ثوره
***
شـَدَّت عـمـايـم روس ماتـعـْرف الديـن
رَجـْعـَت شـَعـَبـْنـَه حـيـَف يـتـْمـَرْغـَل ابـْطـيـن
***
مجلس أمن چا وين .. وين القواوين
تتزوج الطفلات .. تسعه امن السنين؟
***
ذلـّـونـَـه بـسـْـم الديـن .. وقعوْ قوانين
صرتي سلع تنباع .. يا مرأه ترضين؟
***
سرقوْ ألف مليار .. باعوْ وطنـَّـه
ردوّْ على الأطفال شلعوْ گلبنه
***
العصر الحريم انردّ نصفگ بدينه
قانون التوقع هاذ بيه انولينه
***
وقع على القانون مجلس خزي اوعار
عبده انتي صرتي اليوم محبوسه بالدار
***
من الأرض والدار ما عدنه حصـَّـه
لا بالورث ذكروچ هالصرنه قصه
***
صرتي متاع اليوم يا مرأة اصحي
قانون الاعوج هاذ بالقوه مسحي
***
انتفضي يمرأة اليوم حطمي قيودچ
لو طبقوا القانون چا هذا صوچچ
***
حقــَّه الرجل چا صار يتزوج اهواي
يتگابل التسع اسنين يعزف على الناي
***
للقاصرين اليوم رادو يبوگون
هم طفله تسع اسنين هم ثروه يردون
***
وين الرفض چا وين چا وين الاقلام
لو كتبت الأقلام ماضن ظلم دام
-------------------------------------
نوفمبر / 2017
ســـــــــــــــتوكهولم
|
التعليق والتصويت على الموضوع في الموقع الرئيسي
.. صباح العربية | الفنان فضيل يتحدث عن جديد أعماله في صباح العر
![](https://i4.ytimg.com/vi/XYq7UeC-A7Y/default.jpg)
.. الجزائر تقرر توسيع تدريس اللغة الإنجليزية إلى الصف الخامس ال
![](https://i4.ytimg.com/vi/JNvEA9rriFA/default.jpg)
.. حياة كريمة.. مهمة تغيير ثقافة العمل الأهلى في مصر
![](https://i4.ytimg.com/vi/Ex5MA29ir3g/default.jpg)
.. شابة يمنية تتحدى الحرب واللجوء بالموسيقى
![](https://i4.ytimg.com/vi/gwGPPStL_jc/default.jpg)
.. انتظروا مسابقة #فنى_مبتكر أكبر مسابقة في مصر لطلاب المدارس ا
![](https://i4.ytimg.com/vi/xlqpmMYeZgw/default.jpg)