الحوار المتمدن - موبايل
الموقع الرئيسي


البوگه عد راعي الچلب

رقية حسن

2018 / 2 / 1
الثورات والانتفاضات الجماهيرية


البوگه عد راعي الچلب
بلهجة العراقيين الدارجة
يسولفون اهلنه وسوالفهم بيها رباط ومعنه ومن ذيچ السوالف انقللكم هاي السالفة
يگولون اكو رجال اشتراله سيارة وگام يشتغل بيها وصارت عيشته وعيشة عياله عليها بس هوه چان بيته زغير ومابيه گراج والسيارة تضل بالشارع ذاك اليوم صارت حرمنه على السيارات وصاحبنه ضل ينطر وتشلعت عيونه يخاف على. سويويرته تنباگ حتى الصبح من يطلع للشغل يطلع يغفي وكاتله النعاس . حگه ما نايم
وحتى ربعه السواق فطنوا عليه ، نشده واحد من ربعه السواق ، وسولفله حاله وشلون ينطر ، صاحبه ماگال باطل ، گله أنه أعلمك تروح تشريلك چلب يجل السامع وتربطه يم السيارة عاد من ينبح انته تفز وبعد محد يكرب للسيارة، صاحبه كيف وراح للقرية وشتراله چلب وربطه يم السيارة واخذله چم ليلة ينام رغد والچلب ناطور
ذاك اليوم گعد الصبح مالگه السيارة مبيوگه والچلب بمچانه وعلى ربطته
المهم راح للشرطة واشتكى طلعوا وياه لمحل الحادث ، مفوض الشرطة شاف الچلب مربوط ،نشد صاحب السيارة گله هذا الچلب الك گله ايه إليه ، منيام شريته گاله هاااا شريته؟! ما مربيه گله؟ ! لا يا بعد عمك شريته من أفلان ابن افلان،
خلوه وراحوا وره يومين ودوا عليه گالوله تعال لگينه سيارتك وگضينه الحرامي راح المركز لگاه الحرامي راعي الچلب الشتراه منه وعرف سبب سكتة الچلب شعجب ما نبح على الحرامي من حيث هو مربيه
ورباط سالفتنه يا بعد عمكم على الچلاب المتربية عد غيرنه وكل واحد عده مدري شچم جنسية هذوله ما ينبحون على الحرامي المربيهم ومنطيهم جناسي، وكلكم گبل ايام شاف العلاق شلون يدافع عل مزدوجي الجنسية .
وعساهه بحظ وبخت ذاك الزلمه السلطهم علينه عساله بحظه وبخته ايه والله .





التعليق والتصويت على الموضوع في الموقع الرئيسي


اخر الافلام

.. نقاش | كيف تنظر الفصائل الفلسطينية للمقترح الذي عرضه بايدن؟


.. نبيل بنعبد الله: انتخابات 2026 ستكون كارثية إذا لم يتم إصلاح



.. بالركل والسحل.. الشرطة تلاحق متظاهرين مع فلسطين في ألمانيا


.. بنعبد الله يدعو لمواجهة الازدواجية والانفصام في المجتمع المغ



.. أنصار ترمب يشبهونه بنيسلون مانديلا أشهر سجين سياسي بالعالم