الحوار المتمدن
- موبايل
الموقع
الرئيسي
إيه قلة الأدب دى ؟!
أيمن غالى
2018 / 3 / 19كتابات ساخرة
![](https://www.ahewar.org//debat/images/fpage/art/3.jpg)
كل واحد مش عاجبه إسمه بيغيره بإسم شهرة, يعنى زنوبة بقدرة قادر بتبقى زيزى, و رضا بتبقى ريرى, و ست أبوها بتبقى سوسو, و هكذا ..
لكن ما شوفناش مثلا واحد إسمه حازم؛ واخد إسم حزلقوم كإسم دلع !! ..
و مشكلتنا النهاردة مع الكوسة, و إحنا عارفين إننا لما بنسمع إسمها - فى مصر - بنفهم إيه و بنحس بإيه ..
كلمة " كوسة "؛ بنفهمها بمعنى المحسوبية و الإستثناء دون وجه حق, و حصول شخص على منصب لا يستحقه عن طريق الواسطة و التوصية, و إعفاء شخص ما من أعمال, و مسئوليات من باب المجاملات, و هكذا بما يخالف القواعد و القوانين و الأعراف ..
و الكوسة كان لها معاملة خاصة فى العصر المملوكى, لأنها كانت معفاه من الوقوف فى طوابير الدخول إلى الأسواق لسرعة فسادها, فكان التاجر يتخطى الطوابير و الأدوار صائحاً: " كوسة ", و إحنا ورثنا التعبير إسماً و فعلاً و مفعول بيه كمان ..
و من تعب الناس من الكوسة ككلمة سيئة السمعة و إحتياجهم لها كخضار, حاولوا يشوفوا لها إسم شهرة و دلع ينسيهم إسمها المشبوه؛ فسموها " قَرْع " ..
و القرع فى مصطلحاتنا المصرية معناها الفَشْر, و إدعاء ما هو عكس الحقيقة ..
يعنى إللى جه يكحلها عَمَاها ..
على العموم, لو كنت قاعد مع موظف كبير, أو مسئول حكومى أوعى تجيب سيرة الكوسة و مشيها قرع, و لو قاعد مع واحد - لا مؤاخذة أصلع - مشيها كوسة ..
لكن المشكلة بقى لو أنت قاعد مع مسئول من إياهم و كمان أصلع, أنصحك ما تنطقش بأى إسم من أساميها و قول " إيه قلة الأدب دى ؟! " ..
|
التعليق والتصويت على الموضوع في الموقع الرئيسي
التعليقات
1 - شر البلية
ماجدة منصور
(
2018 / 3 / 19 - 08:50
)
شر البلية ما يضحك...أضحكتنا في زمن عز فيه الضحك
مشيها ...كلو كوسة على قرع على شوية بيتنجان0
احترامي
.. بطريقة سينمائية.. 20 لصاً يقتحمون متجر مجوهرات وينهبونه في د
![](https://i4.ytimg.com/vi/cfovX2nNdnU/default.jpg)
.. حبيها حتى لو كانت عدوتك .. أغلى نصيحة من الفنان محمود مرسى ل
![](https://i4.ytimg.com/vi/4U9S5FH-MJA/default.jpg)
.. جوائز -المصري اليوم- في دورتها الأولى.. جائزة أكمل قرطام لأف
![](https://i4.ytimg.com/vi/r_wuQqWwBmA/default.jpg)
.. بايدن طلب الغناء.. قادة مجموعة السبع يحتفلون بعيد ميلاد المس
![](https://i4.ytimg.com/vi/rjxOn_szJvI/default.jpg)
.. أحمد فهمي عن عصابة الماكس : بحب نوعية الأفلام دي وزمايلي جام
![](https://i4.ytimg.com/vi/hFanCCRQ4k0/default.jpg)