الحوار المتمدن - موبايل
الموقع الرئيسي


الى من رحل دون ضجيج الى اخي الشاعر والروائي (صبري هاشم)

محمد الهاشم

2018 / 4 / 13
الادب والفن

الى من رحل دون ضجيج الى صبري هاشم
هلن #
ما ابطل نوح #
حد الموت#
ما دام النفس #
يصعد *
ولا افرح بجيت عيد#
وشيم الروح #
والبس ثوب المورد *
ولا اظحك #
ظحك بطران #
ولا ظحك #
ظحك مسعد *
هلن خل #
دمع العين #
مثل تيزاب #
يچوي الخد *
وجرح صبري#
چبير ويأكل بگلبي #
تراه يفور #
وماظن بالجرح يبرد *
مو هين #
شريچ الروح#
ابو ااصيل #
وعشرة من الزلم ينعد *
ما دنگ وطخ الراس#
وسلم راية البيضة #
طوى الصحراء#
بليل اسود *
هلن #
لو اجاني الليل #
رچيچة رويحتي #
وبسكوت تتنهد *
تبات الليل#
تنوح عليك #
وسكّت بيه #
ما ترد *
ولو سمعت #
حده الحادي #
ولو داخل حسن غرد *
اشگ زيجي #
مثل نسوان #
تلطم عل الوجه#
وزياگه مسرد *
هلن #
لا تخافن #
من تهلن #
ابالچن تعمن#
هلن#
خل دمع العين #
مثل تيزاب #
يچوي الخد *
هلن #
چنه البارحة مدفون #
موصار شكثر وشگد *
ابن امي#
وليلية #
اسولف بيه#
طاح منيدي وتفرهد *
لا هو غرگ بالماي #
ويجيبه الروج #
من يصعد#
ولاهو بسفر ميمون#
سنةوسنتين#
موش ازود *
ابن امي #
وكحل عيني #
وچان الكحلة والمرود *
شلون انسه #
نظر عيني #
الاشوفن بيه#
وخلافه#
النظر يرمد *
علمني الطريق الصح #
وعلمني لعشگ والصد *
الحچي المعسول#
ابو ااصيل #
والمشذب#
وكلام الزين #
بس الراح ما يرد *
وانا ادريبه #
صدگ لوگالوا الوادم #
بس الراح ما يرد *


***محمد الهاشم ***

---

---

---

التعليق والتصويت على الموضوع في الموقع الرئيسي

---

.. حورية فرغلي: اخترت تقديم -رابونزل بالمصري- عشان ما تعملتش قب


.. بل: برامج تعليم اللغة الإنكليزية موجودة بدول شمال أفريقيا




.. أغنية خاصة من ثلاثي البهجة الفنانة فاطمة محمد علي وبناتها لـ


.. اللعبة قلبت بسلطنة بين الأم وبناتها.. شوية طَرَب???? مع ثلاث




.. لعبة مليانة ضحك وبهجة وغنا مع ثلاثي البهجة الفنانة فاطمة محم