الحوار المتمدن - موبايل
الموقع الرئيسي


الى مدينة الصدر(الثورة) المنكوبة

ميسون نعيم الرومي

2018 / 6 / 8
الادب والفن


الى مدينة الصدر(الثورة) المنكوبة
ميسون نعيم الرومي

(بالثورة) شبت نار وابيت (الحسين)
ماظل مقدس بيك .. (يعراقي) ليوين؟
***
*(اتبربدت) كومه ابيوت (انمردوا) أهلهه
كلها تغطي اتريد تحمي ربعهه
***
حيف الشباب الراح دمهم تـِطـَشَّر
(ابرمضان) او خذاهه (الموت) بانيابه كشر
***
فوگ الفقر والضيم سايح يدمنه
والوطن هالمنهوب عطشت ارضنه
***
كل الدول بيهه اليوم ! احكوه .. وحده
واحنه (يملك الموت) .. اگعد وعدّهـَه
***
كل حزب فرَّخ بيك يعراقي (حفنه)
مـِتحـَـزِّمـَه بسلاح تذبح شعبنه
***
يا مجلس النواب خنتوا شعبنه
نفس الوجوه اليوم صار الهه رنـَّـه
***
*لا كهربه لا ماي .. (والنفط نجـَّـم)-
وين الفلوس اتروح .. والشعب فـَـحـَّـم
***
كلكم عصابة اشرار.. شنهي العباره؟
اعباديها وي معصوم كلّ الوزاره
***
شعب العراق الزين صاروا مجادي
دمهم جره نهران ... نايم (اعبادي)-
***
يا شعب يامنكوب محـَّد يعينك
بذراعك اخذ احقوق واحمي عرينك
***
لـُم الشهيد اليوم جيت انه اعزي
گصّي الشعر.. روحي اهناك .. (للخضره) هزّي
-----------------------------------------
*اتبربدت:- اتهدمت
---------------------------
8 / حزيران / 2018
ســـــــــــتوكهولم





التعليق والتصويت على الموضوع في الموقع الرئيسي


اخر الافلام

.. لتسليط الضوء على محنة أهل غزة.. فنانة يمنية تكرس لوحاتها لخد

.. ما هي اكبر اساءة تعرّضت لها نوال الزغبي ؟ ??




.. الفنان سامو زين يكشف لصباح العربية تفاصيل فيلمه الجديد


.. الفنان سامو زين ضيف صباح العربية




.. صباح العربية | الفنان سامو زين ضيف صباح العربية