الحوار المتمدن
- موبايل
الموقع
الرئيسي
جاسمية تتوعد ابو جاسم : ماطول كَهوة وتتن
مؤيد عبد الستار
2018 / 6 / 26كتابات ساخرة
![](https://ahewar.net/Upload/user/images/254f5c6c-9872-4478-b07c-971acba9f1de.jpg)
مشهد تمثيلي
* ايــه .. مسعدة وبيتج على الشط ...
- ها ابو جويسم هو اني المسعدة لو ربعك اللي يعبون بالصناديك ركي
* ما تكليلي ليش يعبون ركي .. قابل عدهم سكلة مال باب السيف
- اي غشم روحك .. سكلة باب السيف .. لا سكلة باب الهوى
* هسة ما علينا .. شنو سالفة الركَي
- الركَي مال ربعك .. الفرهدوه ويه صناديك الانتخابات
* انتي ما تجوزين من صناديك الانتخابات .. مو حركتيهن حرك .. ما عندج غير سالفة
- والله ما جوز منكم الا آخذ حقي
* ومنو الماخذ حقج يابه .. انشاالله احنه
- اي انت ومجلوب السلف .. شلون تاخذ البطاقة مالتي وتزورهَ
* انه لا مزورهَ ولا شي .. هو انتي اللي ضيعتيهَ
- لا .. ما ضيعتهَ .. انه ضامتهَ بصندوك العرس اللي فرهدته
* عفيه صندوك العرس .. شنو مغارة علي بابا .. كلشي بيه
- ما لي شغل .. انه سجلت شكاية عند مكتب المفوضية .. اريد حقي
* المفوضية تريد اثباتات .. مو كَوتره .. مو علوة ركي ، حمّـل وشيل والله وياك عبوسي
- عندي اثباتات .. عبالك انه غشيمه
* شنو يابه اثباتاتج .. عندج شهود ؟
- السالفة ما ينرادلها شهود .. منو بايع بطاقتي الانتخابية يطلعون اسمه ويقدموه للمحكمة
* يا معوده .. هاي سالفة وجعانه .. يا محكمة .. يا شهود .. كلشي ما يسوون
- انا ما جوز .. لازم اطلع حقي من حلوك الحرامية
* هسة هو صوتج قابل راح يغير الحكومة .. يصعد ينزل هو صوت بيس نفر لايزيد ولا ينكص
- انت عندك لا يزيد ولا ينكص .. انا صوتي ما اتساهل بيه
* خوش ده خلي يربح صويحبنا مجلوب السلف وانا ارد الج القاط قاطين .. اجيبلج عباية بريسم
- خليهَ على حالك .. عبايه بريسم ، لازم الصندوك اللي بي بطاقتي المزورة يبطل من الحساب ويردون يحسبوه من جده وجديد
* يابه انتي صدك تحجين .. جذب .. ماتدرين الصناديك احتركت وصارت تتن .
- الصناديك احتركت .. لكن الاوراق والدفاتر ما محروكة .. عدهم بالمفوضية
* اش مدريج .. قابل انتي بالمفوضية لو بالشرطة ... همه كالوا احتركت وكلشي انتهى
- شوف ابو جويسم ، ما طول انه موجوده اطلع البوكه .. ومثل ما يكولون: ماطول كَهوة وتتن / كل الامور تهون .
|
التعليق والتصويت على الموضوع في الموقع الرئيسي
.. الفنان درويش صيرفي: أعطيت محمد عبده 200 دانة حتى تنتشر
![](https://i4.ytimg.com/vi/1sB_VMArmu0/default.jpg)
.. بأنامله الذهبية وصوته العذب.. الفنان درويش صيرفي يقدم موال -
![](https://i4.ytimg.com/vi/Z8L2prvy2Wk/default.jpg)
.. د. مدحت العدل: فيلم -أمريكا شيكا بيكا- كان فكرتي.. وساعتها ا
![](https://i4.ytimg.com/vi/QAYhXIhQsps/default.jpg)
.. مين هو أعظم مطرب قام بالتمثيل في السينما المصرية من وجهة نظر
![](https://i4.ytimg.com/vi/WC20M25vFYY/default.jpg)
.. عوام في بحر الكلام - مدحت العدل: من حسن الحظ أنك تقابل فنان
![](https://i4.ytimg.com/vi/NMRu6NSRujY/default.jpg)