الحوار المتمدن - موبايل
الموقع الرئيسي


جاسمية تحتفل على عناد ابو جاسم

مؤيد عبد الستار

2018 / 7 / 13
كتابات ساخرة


مشهد تمثيلي
* ايباه .. شنو هالعزيمة .. المن .. كعك وشربت زعفران !
- اتغشم نفسك ابو جويسم .. ما تدري كل سنة اعزم بنات السلف بهيجي يوم
* لا والله ما ادري .. انشاء الله عيد زواجنا
- هاي فوكاها ... ليش عيد زواجنا ينرادله شربت زعفران ! اول شي رجع صندوك العرس الفرهدته وي الانتخابات حتى بعدين نتحاسب.
* يعني قابل عيد ميلادي يرحم والديج !
- لا عيد زواجنا ولا عيد ميلادك ... عيد ميلاد الستين
* بويه يا ستين .. انا بعد ما صرت اربعين سنة ، شنو القصة
- ابو جويسم .. عيد ميلاد الجمهورية الستين
* ها .. هاي هيه .. والله تستاهل .. ليش لا .
- ما طول تستاهل، دروح اشترينه شوية ملبس لان بنات السلف بعد ساعة يلتمن
* بس بروح ابوج جاسمية .. ما كلتيلي .. ها الصحون والاستكانات الجدد منين
- ما تذكرهن .. الصحون مال يدتي اللي ضامتهن من وكت الزعيم، ما تشوف صورته على الصحن جنه كَمر .
*اكول .. بس انتي شخاش بـجـيـسج من هالعزيمة والهوسة ، انت والجمهورية كجا مرحبه .
- شلون انه والجمهورية كجا مرحبة ، مو عمتي جانت مسؤولة الرابطة وعلمتنا قرايه وكتابه ، وابوي حصل على كاع من الاصلاح الزراعي .
* شبقه منها .. كلها راحت ، شحصلنه !
- اي اتذكر ابوي جان دوم يكول : الجمهورية خلـتـنه نحـس إحـنـه اوادم ، اي والله صدك .خلصنا من الظلم وصار عدنه بويت بي ماي وكهرباء .
* والله انا ما شفت خير الا بزمان الفرهود .
- اي .. حقك ، ليش ما تكول بزمان الحواسم ، ماطول شريكك مجلوب السلف ،شلون ما تشوف خير . اكلك صدك جويسم شوكت تجيب النعال التسكام اللي وعدك بيك مجلوب.
* انتي ما تجوزين ، بويه بطلنه ما نريد نعل ، حتى الانتخابات صارت هيونطه وراح يضيع الخيط والعصفور .
- جا ما طول هيج .. دروح جيب الملبس ...وخل نغني للجمهورية ... لا بد ما يجي العيد .





التعليق والتصويت على الموضوع في الموقع الرئيسي


التعليقات

1 - قطعه فنيه وطنيه رائعه-تستاهل الذكرى الستون ل14تموز
الدكتور صادق الكحلاوي ( 2018 / 7 / 14 - 02:27 )
تحياتي دكتور مؤيد مقالتك اليوم احتفاليه حقا

اخر الافلام

.. فايز الدويري: فيديو الأسير يثبت زيف الرواية الإسرائيلية


.. أحمد حلمى من مهرجان روتردام للفيلم العربي: سعيد جدا بتكريمي




.. مقابلة فنية | الممثل والمخرج عصام بوخالد: غزة ستقلب العالم |

.. احمد حلمي على العجلة في شوارع روتردام بهولندا قبل تكريمه بمه



.. مراسل الجزيرة هاني الشاعر يرصد التطورات الميدانية في قطاع غز