الحوار المتمدن - موبايل
الموقع الرئيسي


هكذا قال العَمّ بنيامين: فى الشُّكر

صفوت سابا

2018 / 8 / 2
الادب والفن

أَنْقَلُ إِلَيْكُمْ أيُّهَا الكُرَام
أَرِيج روض الرَّيَاحِين
حين يَخْتَلِط بعِطْر النُّسُك
و صَمْت سنين
حين يَضُخّ عُطُور المِسْك
فِي قَلْبِ الْيَاسَمِين

أَكْتُبُ لَكُم أيها الكُرَام
عَنْ تِرْيَاق عَطَش الظَّامِئين
السَّاكِنين
الشَّاكِرين
أقْوال العَمّ "بنيامين" بالكمال و التمام:

***
" يا ابْنى:
اشْكُرْ في ضَعْفَك
وبارك
خللى المواهب تزيد
قلبك مَفُوش ركن حَالك
والشُّكْر فيك مَش جديد

اشْكُرْ
و من شُكْره كَتَّر
دائماً تصون الجَمَايَل
و ترُد أُلُوفَات و اكْتَر
خدمة
و تَفَانِى
و عَمَايَل

اشْكُرْ
و قلمك يسَطَّر
خللى المواهب تلالى
فيضان غلاوتك يمطر
جوا القلوب من علالى

اشْكُرْ
و زِدْ فضله
خَبَّر
بايس ايديك وش ضهر
الشكر مكتوب مقدر
ميقللوش غدر دهر

اشْكُرْ
و اظْهَر
و وضَّح
شايل حياتك بين أيديه
الشكر بيزيد و يطرح
قايم و مسنود عليه

اشْكُرْ
و عدَّد
و أكّد
زوَّد فى شكرك كمان
سَبَّح
و هلَّل
و مجّد
عشان يزيدك حنان

اشْكُرْ
كمان مرة قدَّم
ارادته صالحة كل حين
ادْفَن مشيئتك و ردَّم
ذنبك في دمه الثمين
واشْكُرْ كمان
في الخسارة والانتصار
وبوس ايديك شمال يمين
في الليالى
و في النهار
و بوس كمان في كل حين
في المهالك و الضيقات
مَش بس ايّام الفرح
شكرك يزيدك في الثبات
في إللى زمان جنبه انجرح

اشْكُرْ
واردم عليّ اللى فات
الماضى من ايّام ما كان
اثبت في فكر اللى مات
و اطلب يزيدك إيمان"
***

قلت يا عمَّى: باحضن كلامك
والمفردات
نقطة نقطة وحرف حرف
و فى ثوانى مَش ساعات
شخبط فى قلبى سلامك
وباشتياق
أبعت سلامى جوا ظرف

يا عمَّى:
أبوس كلامك
و الفَواصِل
والحروف
والتعبيرات
نذور صَعَائِد الشِّفاه
ريحة بخور فايح جامات
حروف تضوِّي فى الكسوف
وبين سطور أسمع: "سِلاَهْ

---

---

---

التعليق والتصويت على الموضوع في الموقع الرئيسي

---

.. الناقد طارق الشناوي : تكريم خيري بشارة بمهرجان مالمو -مستحق-


.. المغربية نسرين الراضي:مهرجان مالمو إضافة للسينما العربية وفخ




.. بلدية باريس تطلق اسم أيقونة الأغنية الأمازيغية الفنان الجزائ


.. كيف أصبحت المأكولات الأرمنيّة جزءًا من ثقافة المطبخ اللبناني




.. بعد فيديو البصق.. شمس الكويتية ممنوعة من الغناء في العراق