الحوار المتمدن - موبايل
الموقع الرئيسي


قولولها نا جيّت ..

منيرة نصيب

2018 / 8 / 13
الادب والفن



قولولها .. قولولها
نا جيت ..
قولولها إرياف وقتلني
طايرة رديت .
قولولها .. حنيت .
قولولها ..
زيدوا كذا وأحكولها
ما ريت كيفا زولها
كي زولها ..
يشهد الله ما ريت .
قولولها وين بينت ..
وأنسومها شميت ..
قولولها بكية رضيع
غصباً عليّ بكيت .
قولولها نا جيت ..

قولولها الودادة ..
قولولها لشمسها
ولبحرها ..
لناسها ولجوها
أمرايفه بزيادة ..
قولولها ..
اللي حُبها ما هوش
عادي
وفاق وتخطى العادة .
قولولها ..
كان عاتبه ..
كان لايمه ..
ما يوم في بُعدي لها
بإرادة .
قولولها نا جيت .

قولولها اللّي فارحة
بلّم الشمل ..
اللّي دوم شيالة حمل
اللّي زاهية ..
اللّي نايرة ..
اللّي صاينة ..
أحلامنا فعيونها .
قولولها ما شي
تسوى
نا حياتي دونها .
قولولها نا جيت .

قولولها .. قولولها
نا جيت ..
قولولها إرياف وقتلني
طايرة رديت .
قولولها .. حنيت .
قولولها ..
زيدوا كذا وأحكولها
ما ريت كيفا زولها
كي زولها ..
يشهد الله ما ريت .
قولولها وين بينت ..
وأنسومها شميت ..
قولولها بكية رضيع
غصباً عليّ بكيت .
قولولها وهي ليبيا
اللي الشمس ..
تاخذ ضوا من نورها .
قولولها نا جيت ..





التعليق والتصويت على الموضوع في الموقع الرئيسي


اخر الافلام

.. عوام في بحر الكلام - ما لم تعرفه عن الشاعر المبدع عنتر هلال


.. عوام في بحر الكلام - نشأة الشاعر الكبير عنتر هلال




.. عوام في بحر الكلام - مرجع المبدع الشاعر الكبير عنتر هلال


.. بعد انتصارها عليه.. الفنانة دينا حايك توجه رسالة لمرضى السرط



.. الفنان جوزيف عطية يوجّه رسالة حب ودعم لفريق -الرياضي- عبر ال