الحوار المتمدن - موبايل
الموقع الرئيسي


علي جنب يا أسطي

أيمن غالي

2018 / 10 / 18
كتابات ساخرة


زمان كنت راكب تاكسى، و كنت بأعاني من صداع رهيب, وسواق التاكسى كان مِشَّغَّل كاسيت لواحد بيجعّر مش بيغنى, فقلت له: لو سمحت وطى الصوت شوية لأنى عندى صداع، وتعبان, والصوت العالى ده بيتعبنى أكتر ..
فراح طافى الكاسيت، ونازع شريط الكاسيت من كاسيت التاكسي, وحدفه بعصبية على الزجاج الأمامى للعربية من الداخل .. و آدى أم الشريط
ثوانى، ودماغه إشتغلت؛ فراح مِطلَّع شريط تانى " قرآن ", وقام بتشغيله بصوت أعلى من إللى كان بيجعر فى الشريط إللى قبله ..
مسكت راسى إللى حا تنفجر من الصداع، وسديت ودانى بإيدى الإتنين, فقال له رفيقى: يا أسطى الراجل تعبان و الصوت العالى بيتعبه زيادة ..
فرد عليه الرد إللى أفحمنا:
- ما أنا مِشَغَّل له قرآن أهو علشان ربنا يشفيه .. غلطت أنا ؟!!!!
- لا يا باشا العفو, إحنا إللى غلطانين .. نزّلنا هنا لو سمحت .. على جنب يا أسطي





التعليق والتصويت على الموضوع في الموقع الرئيسي


اخر الافلام

.. طرد كوميدي شهير وصف نتنياهو بـ-النازي- في فرنسا.. ما القصة؟


.. أحمد فهمى و أوس أوس وأحمد فهيم يحتفلون بالعرض الخاص لفيلم -ع



.. أحمد عز الفيلم المصري اسمه الفيلم العربي يعني لكل العرب وا

.. انطلاق فيلم عصابة الماكس رسميًا الخميس في جميع دور العرض




.. أوس أوس: هتشوفونا بشكل مختلف في فيلم عصابة الماكس وكل المشاه