الحوار المتمدن - موبايل
الموقع الرئيسي


تاريخ طريقة نوم الكلاب والكلاكسات في إشارات المرور

أيمن غالي

2018 / 10 / 25
كتابات ساخرة


من الحاجات الغريبة إللى أكلت دماغى فى دراستى لأسباب إستعمال كلاكسات العربيات فى مصر في كتير من المواقف؛ هو سبب الكلاكس الجماعى لطابور أى عربيات واقف فى إشارة مرور وقت فتحها .. الإشارة تفتح من هنا، واللمبة الخضرا تنوَّر، وكلاكسات جماعية لجميع العربيات إللي كانت واقفة في الإشارة
ولدراسة الظاهرة دى؛ رجعت بذاكرتى لورا شوية ولمرحلة الثانوية العامة لمادة البيولوجي، وتفسير التصرف العجيب للكلاب عند نومها، الكلب يِلَّف، ويدور حوالين نفسه كام مرة قبل ما ينام،
■ بتلف ليه كده يا عم الكلب ؟
الكلب طبعا مش عارف السبب وطبيعى تكون إجابته:
□ هذا ما وُجد عليه أباؤنا ..
لكن علماء البيولوجي كان لهم تفسير الكلب نفسه ما يعرفهوش عن نفسه ..
من ملايين السنين كانت الحشائش الطويلة هى سيدة الموقف فى كل مكان، وعلشان الكلب يقدر ينام مرتاح؛ كان لازم يِلَّف حوالين نفسه كام مرة علشان يدوس الأعشاب الطويلة دى، ويبططها وينام عليها .. و راحت الأعشاب لحالها ومابقالهاش وجود؛ ولسة الكلاب العبيطة بتلف حوالين نفسها بدون ما تعرف السبب ..
نرجع بقى لكلاكسات إشارات المرور
طبقا للنظرية الكلابية فى اللف والدوران؛ حا نلاقى إن إشارات المرور زمان كانت بتعتمد على الإشارات اليدوية والأشارجى ( عامل الإشارة/ شرطي المرور )، ولأن الإشارات دايما كانت بتبقي زحمة؛ فكان طبيعى إن سواقين العربيات يناموا فى الإشارة لغاية ما يتعطف عليهم الأشارجى ويفتحهالهم ..
ولأنهم كلهم أو كتير منهم بيبقوا نايمين؛ فالصاحيين يضربوا كلاكس للنايمين وقت فتح الإشارة علشان يصحوهم والسكة تمشى ..
حا يطلع لنا واحد ويقول لنا:
● بس النهاردة فيه إشارات إليكترونية وعداد بالثوانى؛ يعنى كل واحد عارف الإشارة حا تفتح بعد كام ثانية مش زى زمان كانت بتفتح على ما تفرج وما بقاش فيه حد بقي بينام في الإشارات !!!
نرد على صاحبنا ده، ونقول له:
○ انت عايزهم ما يضربوش كلاكس إزاى وقت فتح الإشارة، ولسة سايب الكلاب تلف حوالين نفسيها قبل ما تنام، يعنى هى جات على إللى بيضربوا كلاكسات ووقفت فى زورك .. ولَّا الكلاب على راسها ريشة ؟!!





التعليق والتصويت على الموضوع في الموقع الرئيسي


التعليقات

1 - المعجم -الأيمناوي- يطرح الكثير من (الهلاليل)الذكية
ليندا كبرييل ( 2018 / 10 / 25 - 10:00 )
تحية وسلاما للأستاذ أيمن غالي المحترم

كما جاء في مقال سابق بلسان الأستاذ أيمن: الهلاليل جمع هل.
والحقيقة أنك تطرح الكثير من الهلاليل الذكية يا أستاذ، ولدى حضرتك دقة الملاحظة وحسن تدوير الفكرة ومعالجتها بكلمتين وربع.
مقدرة عالية على السخرية باللهجة المصرية الجميلة، وخاطرة اليوم من هذا النوع.

تحية لملاحظاتك الثمينة وتفضل تقديري

2 - المعجم -الأيمناوي- يطرح الكثير من (الهلاليل)الذكية
ليندا كبرييل ( 2018 / 10 / 25 - 10:00 )
تحية وسلاما للأستاذ أيمن غالي المحترم

كما جاء في مقال سابق بلسان الأستاذ أيمن: الهلاليل جمع هل.
والحقيقة أنك تطرح الكثير من الهلاليل الذكية يا أستاذ، ولدى حضرتك دقة الملاحظة وحسن تدوير الفكرة ومعالجتها بكلمتين وربع.
مقدرة عالية على السخرية باللهجة المصرية الجميلة، وخاطرة اليوم من هذا النوع.

تحية لملاحظاتك الثمينة وتفضل تقديري

اخر الافلام

.. صباح العربية | بينها اللغة العربية.. رواتب خيالية لمتقني هذه

.. أغاني اليوم بموسيقى الزمن الجميل.. -صباح العربية- يلتقي فرقة



.. مت فى 10 أيام.. قصة زواج الفنان أحمد عبد الوهاب من ابنة صبحى

.. الفنانة ميار الببلاوي تنهار خلال بث مباشر بعد اتهامات داعية




.. كلمة -وقفة-.. زلة لسان جديدة لبايدن على المسرح