الحوار المتمدن - موبايل
الموقع الرئيسي


رسالة الي ابو الهول

وحيد محمود محمد
كاتب و باحث
(Waheed Eyada)

2018 / 12 / 27
اليسار , التحرر , والقوى الانسانية في العالم

##رسالة_الي_ابوالهول :
بقولك يا عم الحج انت بقالك كام الف سنة مرزوع في مكانك لا بتهش و لا بتنش ..... و شايف اللي بيحصل فينا وانت ولا بتفتح بؤك و لا بتتهبب تاخد اكشن كدا تاريخي !
خلي عندك دم و اعملك منظر و بطل بقي تنور و تطفي خيلتنا الله يخرب بيتك.!!
روح نادي علي اخناتون و اتون و نفرتون و كل فرعون و متنساش تنادي علي اخوك رمسيس واختك ايزيس..
و شدوا حلكو كدا و تعالوا شوفوا ايه اللي بيحصل في احفادكم... فقر و قلة قيمة.. و عوز.. ايون عوز ... اسألوه بقي شكلها كلمة فرعوني تبعكم!
احنا اتبهدلنا من بعديكوو .. و حياة ابوك يا شيخ تكلم الباشمهندس خفرع و الاستاذ تحتمس و حاول تتصل بالست الاميرة نفرتيتي و الشيخ رع هع لع
المهم اتلحلح كدا من غرزتك دي و هات العيلة كلها و تعالوا بصوا علينا كدا و اقعدوا معانا شوية يمكن العالم يحترمنا و بعدين مش هاوصيك و - حياة جدك زوسر - يا شيخ مش انت برضو يا حج ابو الهول حارس مصر .. حاول تتكلم مع الحكام بتوعنا يخفوا شوية علينا .. انتو اكيد فراعنة ذي بعض و بتسمعوا كلام بعض .. متنساش وانت جي تجيب معاك شوية زيت و سكر من عندكم .. اصل احنا اتشقلطنا و اتبعلطنا من بعدكووو.

---

---

---

التعليق والتصويت على الموضوع في الموقع الرئيسي

---

.. هل اشترى فولوديمير زيلينسكي سيارة كانت تعود لهتلر؟


.. الجزائر: ماذا وراء لقاء رئيس أركان الجيش الجزائري بمدير الاس




.. المستشار السابق في مكتب الرئاسة الإيرانية جابر رجبي: إيران ب


.. وزير خارجية إيران يحذر من كارثة في المنطقة.. هذا ما قاله




.. قراءة عسكرية.. كتائب القسام توقع قوة إسرائيلية في كمين مركب