الحوار المتمدن - موبايل
الموقع الرئيسي


مولانا ( الفاسد )

عمر قاسم أسعد

2018 / 12 / 28
كتابات ساخرة


بالفساد مولانا ساد
وفي بطنة عشر لفات
***
أول لفة عم يتمسكن
وبعد شوي صار يتمكن
ولما تمكن سب علينا
ودوخنا السبع دوخات
بالفساد مولانا ساد
وفي بطنة عشر لفات
***
ثاني لفة تحكم فينا
زاد البلوي فوق بلاوينا
ولما نادينا عليه بأسمه
تركنا وراح مع الأوغاد
بالفساد مولانا ساد
وفي بطنة عشر لفات
***
ثالث لفة باع الدار
هجر الحارة وضرب الجار
حكينا وينك يا رجال
رمانا بنظرة إستعباد
بالفساد مولانا ساد
وفي بطنة عشر لفات
***
رابع لفة نصبلو نصبة
نصبة صغيرة ما كانت صعبة
عبا جيابو وحلف بربو
بدو يطعمي هالاولاد
بالفساد مولانا ساد
وفي بطنة عشر لفات
***

خامس لفة شوي ترقى
وبالشقاوة صار الأشقى
صار نصاب أكبر واكبر
كان فريسة وصار صياد
بالفساد مولانا ساد
وفي بطنة عشر لفات
***
سادس لفة لف علينا
تبرا منا ومن عيننا
وبعد ما كان يبوس ايدينا
على جلودنا صار جلاد
بالفساد مولانا ساد
وفي بطنة عشر لفات
***
سابع لفة ترقى أكثر
باع البلد وصار يتمختر
يلف البلد طول وعرض
ولقبه مكافح للفساد
بالفساد مولانا ساد
وفي بطنة عشر لفات
***
ثامن لفة الشعب انقهر
وبعالي الصوت الله أكبر
الحرامي صار شريف
والشريف بالأصفاد
بالفساد مولانا ساد
وفي بطنة عشر لفات

***
تاسع لفة عالدوار
تحت الشمس والأمطار
لازم انتا ترجع حقي
وحقوق اجدادي والاولاد
بالفساد مولانا ساد
وفي بطنة عشر لفات
***
عاشر لفة نرفع راية
علم بلادي هو الغاية
نعيش أحرار بحضن بلدنا
ونبني بلدنا بالاتحاد
بالفساد مولانا ساد
وفي بطنة عشر لفات





التعليق والتصويت على الموضوع في الموقع الرئيسي


اخر الافلام

.. مؤلف فيلم السرب : تحضير الفيلم استغرق وقت طويل.. عمر عبد ال

.. لماذا قاطع طلاب خطاب الممثل جيري ساينفيلد؟ • فرانس 24 / FRAN



.. عادل إمام: أحب التمثيل جدا وعمرى ما اشتغلت بدراستى فى الهندس

.. حلقة TheStage عن -مختار المخاتير- الممثل ايلي صنيفر الجمعة 8



.. الزعيم عادل إمام: لا يجب أن ينفصل الممثل عن مشاكل المجتمع و