الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
الأمام علي
احمد حسن
2018 / 12 / 31الادب والفن
الإمام على
=====
إذا انت جربت الغنا.. تبقي نبي
وإذا انت جربت البكا
تبقي ولى
وإذا انت جربت السفر، ما معكش ذاد
غير.. حلم بسحابة ومطر
تبقي الإمام على
وانا اللي جربت الكلام
الكلام، الكلام
ماعرفتليش هوية
ماعرفتليش رصيف
وﻻ شبعش حلمى ما لغنا، وما الرغيف
ﻻ في عيني فوانيس النهار
وﻻ في كفي بندقية
وﻻ انتي ويايا وﻻ.. يملا الكلام حضن الخلا
-----
أهين يا موﻻنا الإمام
من غير سلام
يصبح علينا الصبح، ويجينا المنام
من غير سلام
كل الوشوش تلقاك هنا، من غير سلام
أو دكة تستقبل غريب
أو كنت فين
أو مرحبا
عصفور صدح
كل الودان صدت، فضاع الصوت هبا
واتبعتر الليل مننا، بقي ألف ليل
خنقوا الاماكن والقصص والاغنيات
واتمدد الشارع كأن مالوش نهاية
من نص غاية، غاوية تسكن فوق دماغي
وكنت بغوى صوت بيرن كأنه تسبيح اليمام
مسمعش غير صوت الجزم، ماشين ورايا
الهمس فين والإنسانية والبشر
وانا في اشتياق سيدنا الإمام
ياللى تعبت من السفر، ومن الكلام
من عشق ضايع في السكك
وحلم بيحاوطه الغمام
من قلب باصص للسما
لكنه مسكون بالحرام
في كل خطوة فيه معاوية وفيه نظام
انا في اشتياق
قاعد لوحدي
من زمان قاعد هنا
أرخي الجمل يا إمام
أرخي العيون والرمش والضحك الطليق
أرخي اللجام
وانزل هنا.. اقعد معايا.
|
|
التعليق والتصويت على الموضوع في الموقع الرئيسي
.. عادل إمام: أحب التمثيل جدا وعمرى ما اشتغلت بدراستى فى الهندس
.. حلقة TheStage عن -مختار المخاتير- الممثل ايلي صنيفر الجمعة 8
.. الزعيم عادل إمام: لا يجب أن ينفصل الممثل عن مشاكل المجتمع و
.. الوحيد اللى مثل مع أم كلثوم وليلى مراد وأسمهان.. مفاجآت في ح
.. لقاء مع الناقد السينمائي الكويتي عبد الستار ناجي حول الدورة
