الحوار المتمدن - موبايل
الموقع الرئيسي


التعصب

نورا فريد ميخائيل

2019 / 1 / 14
الادب والفن


مكرهش ف حياتى قد بنى ادم
متعصب لطايفه أو متطرف ف دين
كل كلامه دبش وصادم
يفضل حياته يجادل سنين
يقلك انا اللى صح ومفيش غيري
يقلك اعدل كلامك وامشي معايا ميرى
ياما يقلب عليك كل الموازين
وتبقي عدوه. لو ممشتش ف ضله. وبقيت زى خله
ومش بعيد تلاقيه مره يطلع لك سكين
يحجر على كلامك ويحور سلامك
ومطلوب من جنابك تقوله اميين
عايز اقوله اهدى شويه احنا بقينا القرن واحد وعشرين
كل واحد حقه يؤمن أو حتي يكفر،يعبد حجر اوحتى بشر
هينفع تسيطر على مين ولا مين
دا احنا ف عالم كله مثقفين على فيس و تويتر
والنت باحثييين
مش زى زمان يسمعوك ويقولوا امين

خدنا ايه من التكفير اللي ملوش اساس
غير القنابل والقتل وضرب الرصاص
واطفال بريئه تموت بدون احساس
طب قولولى دول عملوا ايه يا ناس

قولى ايه شكل الهك دا اللي يحب لون الدماء
ويستلذ دايما بصراخ الأبناء والاباء
واحلى حاجه عنده تقطيع البشر أشلاء أشلاء
انت مضحوك عليك عالج نفسك من الداء
قبل ما ييجي يوم ماينفعك حتي البكاء
دى الصوره واضحه جدا مش محتاجه ذكاء
ليه دايما جايه منك الضربه،خلينا نكون احباء
صلي لاله المحبه،إليه يكون الالتجاء
ليه تعيش ف كربه ويضيع عمرك هباء





التعليق والتصويت على الموضوع في الموقع الرئيسي


اخر الافلام

.. نجوم التيك توك من العرض الخاص لفيلم الشاطر بطولة أمير كرارة


.. بوسى تحتفل العرض الخاص لفيلم الشاطر




.. أمير كرارة ومحمد عبدالرحمن توتة من العرض الخاص لفيلم الشاطر


.. الأخ سند .. احمد كرارة يساند شقيقه امير كرارة في العرض الخاص



.. لقاء حواري حول: اللغة والفلسفة في فكر الدكتور خالد كموني – ح