الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
مافيش فايدة !!!
ميلاد ثابت إسكندر
(Melad Thabet Eskander)
2019 / 1 / 27
الادب والفن
مافيش فايدة ياناس مَاليت
من العيشه وحقيقي ناويت
علي الغُربَة ومش راجع
ومن وشِك خلاص هَجيت
أدي الباسبور وادي الشنطة
كفاية بقي كده أوَنطة
يامركب تايهه في التوهة
حياتي فيكي كانت غلطة
في قاع القاع دهور عايشين
وحالنا ضَياع وكدب سنين
يا أم الدنيا بقي كفاية
هنستعبط كتير !! علي مين ؟؟
خربتوا عقولنا بالشعارات
كلام فاضي لناس أموات
تاريخ مغلوط ومتزَييف
ومتظَبَّط ومتأييف
وطعمُه ما عادش بيكَييف
زهقنا خلاص من البوهَرات
كلامي واضح ومش تخاريف
ماليش في اللف والتأليف
ولو حتي كرهتوني
وبالمجنون وصفتوني
ماعادش يهم،،قرفتوني
خنقتوني بأم الزيف
وجوَّه القلب نار قايدة
ونفسي بالشجون زايدة
وقولت كتير هَتتعَدل
من الآخر مافيش فايدة
|
|
التعليق والتصويت على الموضوع في الموقع الرئيسي
اخر الافلام
.. أمسيات شعرية- الشاعر فتحي النصري
.. فيلم السرب يقترب من حصد 7 ملايين جنيه خلال 3 أيام عرض
.. تقنيات الرواية- العتبات
.. نون النضال | جنان شحادة ودانا الشاعر وسنين أبو زيد | 2024-05
.. علي بن تميم: لجنة جائزة -البوكر- مستقلة...وللذكاء الاصطناعي
