الحوار المتمدن - موبايل
الموقع الرئيسي


شرد اگلّك...!؟

طالب الحليلي

2019 / 3 / 16
الادب والفن


ألك وحدك صرت
تالي العمر شاعر
گمت اكتبلك قصايد!!
ولَك حنّيت اويظل طيفك
امگابلني
شادهني كل الوكت
قنديل
اوليلي هندس
لا انا ادري
اولا هوه مني
هم يدري ويكلّي
شنهي رايد ؟؟!!
يوم اللي بيه انا شفتك
نزل وحي العشگ
من چبد السما
اويمكن عشگتك!
گلت اثگل
إصحى يللي عمرك
تعداه العشگ
ما صحيت اوغافلني
ذهولي اوگلت..
صباح الخير
يا بعد خالك اوعمك!
من صحيت .. تتذكر؟
انا گتلك..
اولساع
كل لحظه اچوي بالدلال
كلما يرف امن اشوفك
وارجع وگلك
انته هيجت المواجع
بالحلم وياك
ليليه أصعد السابع سما
نجمه وٓي نجمه
يتشابك ضواهن
كبل ما ينطر الفجر
أرد اگلك انا احبك !
يفضحني طيفك
اوخوفي اعليك
وحجاية محبه اوصدگ
يحجيها شريان الگلب..
صباح الخير اگللك
يا..
بعد
خالك
اوعمك ..

15 اذار 2019





التعليق والتصويت على الموضوع في الموقع الرئيسي


اخر الافلام

.. مدير مهرجان الأقصر السينما الأفريقية: شكراُ لكل الناس اللي س

.. رئيس مهرجان الأقصر: مبادرة شاشة سينمائية في كل دولةأفريقية ل



.. عقب تكريمه بمهرجان الأقصر .. المخرج مجدي احمد علي يكشف عن مش

.. الأجيال تتحدث - لقاء مع الزميل المسرحي أحمد محمد




.. وفاة فتحى ابن الفنان الراحل رياض القصبجى