الحوار المتمدن - موبايل
الموقع الرئيسي


يا بوية.... الطائفية ما تنجب ابطال

فاتن نور

2006 / 4 / 27
الادب والفن


يا بوية هم وصلتلك اخبار؟
هم فزيت وبعينك دمع تتوعّد امطار؟
يا بوية وحق اهل البيت ونبينا المبتلي
بمذابح اهل الدين والرافعين اشعار
ديرتنا خوت بألوان الجبب
وما طرحت اثمار
يا بعد الروح يا ضي الأمس واليوم
يا طفرة فرح مثل الطفل بالدار
شاخ الأمل وما همهمت مظلوم..
وقبرك عشب عطشان، ما حَفِتّه ازهار
يا بوية خوتي بيمينك واعمامي باليسار ..
ودار الزمن واندار
وغربة قبر مفجوعة ،
بحراب الطوايف وبجيرة الجار!
يا بوي.. يا بو علي..
يدب الموت بجفوني وبيدي غصن
ومن كثرة جروحي ارتوى، وما ذلته النار
اميل عليك كل يوم وأحن
وسعف النخل مثله صرت من مال
وبجنح مكسور اصد الريح
وبغربة ارض حق الوطن يفديها شيّال
يا بوية هم سولفت للمار؟
هم بالقبر لكومة وجع حمّال؟!
هم سمعت بالوافد المدفون..
بشوكة " تحاصص" بوجنة الأجيال
وعظمه يأن مذهول ..
من فطنة اشتكت، وما صادفت ختيار
هم افزعت بالليل،بعراق وتشظى بالف تيار
هذا سني
ذاك شيعي
هذا عربي ذاك كردي
هذا مسيحي نصراني وجاي بكفر سمسار!
هذي عشاير بخيوط النسب
وهذي قبايل بجاه الحسب
هم فزعت يابوية من غلة المشوار؟
هم صرخت..
..كلنا همج وماكو شبل بعراقيته مغوار؟
يا بوية طبطب على من مات بغفلة زمن!
وبغفوة قبر التموا احرار
وحق عيناهم وعيناك
اصيح عليك من ترعد الدنيا..
من تمطر التربة ابرار
ونطفر سوى عراقيين
بلا عروة مذاهب ولا ثرثرة اشرار...
يا بوبة هم دندنت...
خمر الدين مو تفرقة وبين الكراسي بشمرة الزار!!
يا بوبة اميل عليك
وبحضني غافي الوطن..
مايل..
يحلم بثوار.....

فاتن نور
06/04/26





التعليق والتصويت على الموضوع في الموقع الرئيسي


اخر الافلام

.. الفنان التونسي حكيم بالكحلة: تقديم الأدوار الكوميدية صعب


.. الفنان التونسي حكيم بالكحلة يوضح كيف تعلم اللهجة السعودية بس



.. الفنان التونسي حكيم بالكحلة: تغيير مصيري من الهندسة المعماري

.. الفنان التونسي حكيم بالكحلة: والدي لم يدعم قراري بترك الهندس



.. صباح العربية | رهف ناصر تتحدى الحرب بالموسيقى وتغني للأمل