الحوار المتمدن - موبايل
الموقع الرئيسي


ايهما نختار الثور ام الحمار

خالد العاني
كاتب
(Khalid Alani)

2019 / 4 / 3
كتابات ساخرة


يروى ان فلاحا قاسي قلب يمتلك مزرعة فيها ثورا يشبه ترامبو ابو كذيله كما يمتلك حمارا يشبه ابو سمره عضو حزب الحمير اللي ضرط بيها ودار وجهه وراح .. ومن المعلوم للبشر ان هذين الحيوانين يمتازان عن غيرهما من الحيوانات بصفات خاصة الاول ينطح والاخر يزكط .. كان هذا الفلاح يجور على الحيوانين اكثر من اللازم ولكن كانت المشقة التي يلاقيها الثور اكبر من شغلت ابو صابر لآن الفلاح يشد على ظهره المحراث ويعصب عينه ويستعمل السوط معه حينما يتوقف عن الحركة اما الحمار فشغلته تهون حيث عمله في تنقلات الفلاح ونقل حاجاته ومستلزماته وما يجنيه من المزرعة وعمله غير مستمر اذ ينال بعض الراحة بين فترة واخرى وفي نهاية اليوم يلتقي الثور والحمار في المكان المخصص لهما .. في احد الايام عاد الثور وانطرح ارضا وهو يئن من شدة التعب فسأله الحمار ما الذي حصل لك ؟ .. اجاب الثور دشوف حالي من الصبح لحد المغرب اني بهاي الشغلة .. تعاطف الحمار ابن الحمار مع الثور قاله يابه بكره لما يجي صاحبنا سوي نفسك مريض ولا تنهض من مكانك وهو راح يخليك تستريح .. صبح الصبح الثور ما كذب خبر عمل بنصيحة الحمار .. الفلاح خاف عليه وبعدين يموت قال خليه اليوم يرتاح .. سحب الرشمة مال الحمار والى المحراث مباشرة وبدأ يسوك المطي الى غياب الشمس رجع الحمار منهوك القوى وهو يردد مع نفسه شسويت بنفسي كعد بجانب الثور وقال الله يساعدك .. اليوم جدي اشتعل .. الثور قاله شفت هذا شلون ظالم .. قال المطي اي والله ظالم بس اني سمعته يتكلم ويه زوجته قالها اذا هذا الثور راح يبقى مريض نذبحه احسن ما يموت ويروح حرامات على القليل نشبع بلحمه ونمصص عظامه .. لم ينم الثور تلك الليلة بعد ما سمع كلام الحمار ومن الفجر وقف على رجليه ولما اجه الاسطه وشافه كلش فرح ومسح على ظهره وجابله ماي ويه العلف الممتاز بمناسبة شفائه من الوعكة التي المت به .. ورجع نفس الطاس والحمام واللي ما يرضه بالموت يرضه بالسخونه ..
سالفتنه ويه امريكيا وايران يروح ثور يجينه حمار يروح كبش يجينه تيس يروح ضبع يجيني ذيب يروح شاذي يجينه واوي وعيش وشوف صار اللعب على المكشوف ... الميليشيات تهدد من جهة وامريكيا من جهة وايران من جهة والطبيعة من جهة سيول وفيضانات وتلوث واشعاعات وادوية واطعمة فاسدة ورشاوي وسرقات ومخدرات وامراض مستعصيه وخراب المدارس والمستشفيات وتهريب النفط والعملة الصعبة ليل نهار وخطف وتصفيات جسديه وفقدان الامن والامان وفلشوا ثلثين العراق وهذا يريد وذاك يريد وناوين يفلشون الثلث الباقي حتى ترتاح الشقيقة قائدة الامة الاسلامية وتكتسح العالم من خلال تصدير ثورها المبارك الذي سينطح الدول حسب الطول والسيطرة عليها بدل امريكا الصليبية دولة الشيطان الاكبر ويا ستار من تاليها ولكم في الحمار والثور عبرة يا أولي الالباب





التعليق والتصويت على الموضوع في الموقع الرئيسي


اخر الافلام

.. موسيقى وأجواء بهجة في أول أيام العام الدراسى بجامعة القاهرة

.. بتكلفة 22 مليون جنيه.. قصر ثقافة الزعيم جمال عبد الناصر يخلد



.. الكلب رامبو بقى نجم سينمائي بس عايز ينام ?? في استوديو #معكم

.. الحب بين أبطال فيلم السيد رامبو -الصحاب- ?




.. لعبة الافلام الأليفة مع أبطال فيلم البحث عن منفذ لخروج السيد