الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
الله محبة
ميلاد ثابت إسكندر
(Melad Thabet Eskander)
2019 / 4 / 4
الادب والفن
*** الله محبة ***
يهودي مسلم مش فارق ،، لو كنت مُلحد أنا قابلك
لو حتي للأصنام ساجد ، صدقني برضو أنا بحبك
ما يهمنيش أبيض أسود ،، ما يهمنـيـش راجـل أو سـت
عُمري ما أقرَّب أو أبعد،، عشان ديانة أو لون أو جنس
أنا بحب فـيـك الإنســان ،،، وروحــك إللــي خـلـقـهـا الله
ومش هكون ليك الديان،، أنا من تراب، أصلي ما هنساه
الله مـحـبــة ده إيمانـي ،، وبالمـحـبــة هـعـيــش وياك
ولو في طيبتي راح أعاني،، مش هغَـيَّر طبعي معاك
أنا بقتدي باللي فداني، وف حبي ليك أنا برضو فداك
يســوع حبيبي وصَّاني ،، وقاللـي حـب حـتـي عِداك
فهمـت كـده أو مافهمـتش ،، أنا مش بَـغَــيَّــر أسلوبي
راجع مبادئي ورايا فتش،، حياة يسوع هي دي توبي
ازاي أنا لو ما سامحتش ،، هو هـيـغفــرلي ذنـوبي؟!
بســامح أبداً ما كرهـتش،، زَي يَســوعـــي مَحبوبي
راح أقدم حُب بأعمالي ،، مش شعارات شَفهي وتحريري
وقـتي وجهـدي حتي ومالي،، راح أقدم منه عشان غيري
وف صلواتي الكل ف بالي،، بدعيلكم في كنيستي وديري
يملا قلـوبـنـا بحُـبـه الغـالي،، إللـي ف إيـده كل مَصيـري
********************
ميلاد ثابت إسكندر
فنان تشكيلي
|
|
التعليق والتصويت على الموضوع في الموقع الرئيسي
.. كل الزوايا - -شرق 12- فيلم مصري يشارك في مسابقة أسبوع المخرج
.. الفيلم اللبنانى المصرى أرزة يشارك فى مهرجان ترايبيكا السينما
.. حلقة #زمن لهذا الأسبوع مليئة بالحكايات والمواضيع المهمة مع ا
.. الذكاء الاصطناعي يهدد صناعة السينما
.. الفنانة السودانية هند الطاهر: -قلبي مع كل أم سودانية وطفل في
