الحوار المتمدن - موبايل
الموقع الرئيسي


جسر الامل

سمير هزيم

2019 / 4 / 10
الادب والفن


قصة قصيرة.
جسر الامل.
شقيت كتير وهية تربيه صغير ..
صار شب وصار كبير ..
كبر الصبي وحب ،،
مبسوطة اموو انو صار شب...
تعرف عا صبية حلوة وصار يحب ..

فرحتلو امو وراحت تخطبلو ..!؟
بعد الخطبة طلبوه عالجيش ..
ودع خطيبتو ...
ودع امو ..
شمتوو .. وباستوو ..وغمرتوو بحنية...
مضت سنين وماشافت ابنها ..
طار من عينها النوم
راحت تسأل عن حالووو .. كيف عايش وعن صحتو واكلو ..
كانت فرحتها كبيرة .. وقت قالولا ابنك بطل لا تخافي عليه ..
قالتلن خلوني شوفو بعيني ..
الله يشهد ما بدي غير اطمن عليه ..
ومضت كمان سنه .. وبعدها سنه ..
والصبي لا حكي عنو ولا اخبار ...
قالولها بكرة رح يرجع مع الغياب ...
قعدت مع خطيبتو عالجسر .. قلبها مجروح ، وصوتها مبحوح .. مروا من جنبهم الكل ..
والصبي لا عبر ولا طل ..
ارتكت الام عا حرف الجسر غمضت عينيها .. والخطيبة مشيت بعكس كل المارين .. بلكي أسا في غياب رح يجو ...
غابت الشمس ..
وبيومها ..
القمر ما طل .. وما طلع على الام الضو ..





التعليق والتصويت على الموضوع في الموقع الرئيسي


اخر الافلام

.. جائزة العين الذهبية بمهرجان -كان- تذهب لأول مرة لفيلم مصري ?

.. بالطبل والزغاريد??.. الاستوديو اتملى بهجة وفرحة لأبطال فيلم




.. الفنان #علي_جاسم ضيف حلقة الليلة من #المجهول مع الاعلامي #رو

.. غير محظوظ لو شاهدت واحدا من هذه الأفلام #الصباح_مع_مها




.. أخرهم نيللي وهشام.. موجة انفصال أشهر ثنائيات تلاحق الوسط الف