الحوار المتمدن
- موبايل
الموقع
الرئيسي
تصافينه تصافينه
وليد المسعودي
2019 / 4 / 12الادب والفن
تصافينه تصافينه
تصافينه تصافينه
بعد غيمة وحزن
لملم أغانينه
بعد ليل وهجر
كدر أمانينة
تصافينه تصافينه
بين الحبايب شركه
ما تطفه هاي الضحكه
عصفوره وتغني بفرح
طارت باسامينه
تصافينه تصافينه
بس ياوكت ليوين
يبقى متاني قلبين
شجرة وتحط عليه
طيور اثنين باثنين
هاي بوسة بلاية عش
ما يغطيها الهوه
عايشة اللحظة بخجل
ما يداريها الضوه .
دمعة وفراك وحضن
باقي ويانه الزمن .
عطشانة جلمة احبك
وسط القلب
وبنص شرايينه
تصافينه تصافينه
على موعد غرام
هواي حفظتنه البساتين
جوه الشمس منتظرة
شفة ويابس التين
ما يلم خيوطه عاشك
بين دمعات وملامه
تكبر الوسفه وتصير
حسرة وهموم وندامه .
خطوة وعيون ودرب
نعلك شموع ونحب
يبقه للضحكة ربيع
يلون طيوف العشق
وبكل عناوينه
تصافينه تصافينه
|
التعليق والتصويت على الموضوع في الموقع الرئيسي
.. روبي ونجوم الغناء يتألقون في حفل افتتاح Boom Room اول مركز ت
.. تفاصيل اللحظات الحرجة للحالة الصحية للفنان جلال الزكى.. وتصر
.. فاق من الغيبوية.. تطورات الحالة الصحية للفنان جلال الزكي
.. شاهد: دار شوبارد تنظم حفل عشاء لنجوم مهرجان كان السينمائي
.. ربنا سترها.. إصابة المخرج ماندو العدل بـ-جلطة فى القلب-