الحوار المتمدن - موبايل
الموقع الرئيسي


حبيتي يامصر

نورا فريد ميخائيل

2019 / 7 / 31
الادب والفن


حبيبتي طول عمرك كنتي ست البنات
قيمه وسيما،وهامه عظيمه
اتبدلت أفراحك لسنين دموع وبكا وآهات
وعالم لئيمه،وفقر وغيما

كل اللي إرتبط بيكي،سلب من نهر خيرك
خد من بين ايديكي، راح وإداه لغيرك

محدش ياحبيتي كان قلبه عليكي
محدش جه ف يوم وفكر ايه الل فيكي

كل دا وانتي عزيزه وصامده......
واقفه زى الجبل قويه وجامده.....

مع انه لو وحده غيرك ...
حصل معاها اللي حصل معاكي
كانت خلصت وانتهت م الدنيا يا ملاكي

وكان زمانها متقطعه حتت بسكينه بارده
وإتحولت بين أيديهم لقتيل ،لجثه هامده

إمتي هتبطل تنزف جروحك
ويستأصلوا الورم من جوه روحك

وترجعيلي سليمه وطاهره ياملاكي
دا انا لما بعدت عنك،دا انا لما بعدت عنك
كان يوم دمارى ،كان يوم هلاكي
امتي هقدر اعيش، اعيش تاني معاكي

من غير بكا من غير دموع من غير اهات
وترجعيلي زى ما كنتي طول عمرك ست البنات

كل البنات بقت حلوة ومتزينه
وانتي اللي فيهم عجزتي
وبان عليكي تجاعيد الهم والضنا

وبعد ما كانوا بيخدموا عليكي
وبيوسوا ايديكي وكمان تراب رجليكي
بقوا بيعايروكي باي منحه
او هديه يدوهالك م السنه للسنه ...

صحيح السوس فيكي وصل للعظام
والشباب طار منك بسرعه زى الحمام

بس انا برضه لسه عندى أمل...
ييجي يوم نبتدي فيه العمل ...

يوم يجرى فيه الشباب ١٠٠ خطوة للأمام
علشان يغزلولك بسواعدهم اجمل فستان

وترجعيلي يا حبيبتي يا ست البنات
من غير بكا من غير دموع ،من غير آهات

واحس وأنا وياكي أنى انسان
إنى بشر انى حر ،وعايش فأمان

ويعيش ولادنا من غير خوف .من غير اهانه،من غير ذل
تخضر معاكي الحياه وفرحتنا تبدأ من بعيد تطل

وترجعيلي يا حبيبتي يا ست البنات
من غير بكا ،من غير دموع من غير اهات








التعليق والتصويت على الموضوع في الموقع الرئيسي



اخر الافلام

.. طاليس المغربي.. لماذا أغضب الفنان الكوميدي المغربيات؟


.. تفاعلكم : الفنان الكبير ياسر العظمة يشن حربا على باب الحارة




.. ما بين الحزن الطاغي والفرح الغامر .. تشكل الموسيقى الكردية أ


.. هكذا تحدت مصورة الأفلام السودانية عفراء سعد الصور النمطية




.. الفنانة لبلبة تقلّد الراحلة صباح في #TheStage... كيف غنّت -ع