الحوار المتمدن - موبايل
الموقع الرئيسي


وجع خام ... سارة زيادة

سارة زيادة

2019 / 8 / 20
الادب والفن


روح اقرا عداد الوجع
شوف عدى كام
والباقي كام
ده مراره لسه ف جوفي خام
خلص الكلام
والجري ف العداد
لسه مش عايز بقف
شوف الصدف
العود نشف
روح اشتري
وادفع دموعه مقدماً
قلبك تمن
والدفع كاش
والروح على جزع الالم متشدهاش
والآهه مصلوبه
والدمعه مغصوبه
تعبت خلاص
والقلب عدرا بيسعى للخلاص
معدش ف العمر غير فركة جراح
والروح تبطل نزفها
تنسى النواح
افرد دراعك بالقوي
إكسر الضلع اللي ساعك
إطويه وانت المنطوي
إحيي عينيك المقتولين
واقطع شرايين الحياه
واضحك على الدم اللي طرطش
فوق كفوفك وانتشي
والا اختشي
شوفلك غراب روح قلده
واحفر في جوفك قبر
وافرد ضلامك جناح
فوق جسدها قهر
مددها جوه ضريح ورق
واوفي معاها الندر
واعتكف فوق السطور
وكل يوم زود جسور
من ظلم قلبك مر
واطلع على مدنه الكلام وشب
وارفع ادان الغدر
تلقاها عادت للحياه
طالعه ف اول فجر
بشعاع النجاه
افرد ضياءك وانجلي
طيرك علي
واصل معاها لمنتهاه
جاوب جميع الاسئلة
فكر معاه
الحب وردة عطرها صنع الاله
الحب وردة نحبها
محناش جناه





التعليق والتصويت على الموضوع في الموقع الرئيسي


اخر الافلام

.. مرضي الخَمعلي: سباقات الهجن تدعم السياحة الثقافية سواء بشكل


.. ما حقيقة اعتماد اللغة العربية في السنغال كلغة رسمية؟ ترندينغ



.. عدت سنة على رحيله.. -مصطفى درويش- الفنان ابن البلد الجدع


.. فدوى مواهب: المخرجة المصرية المعتزلة تثير الجدل بدرس عن الشي



.. الأسطى عزيز عجينة المخرج العبقري????