الحوار المتمدن
- موبايل
الموقع
الرئيسي
بين البيوت اسلاح ؟
ميسون نعيم الرومي
2019 / 8 / 21الادب والفن
بين البيوت اســـلاح ؟
ميسون نعيم الرومي
بيـن البيوت اســـلاح ؟ محـّـد يهابـه !
شعب السِـكت مذلول .. مخلوعـَه بابه
***
من حرب الحرب چم دوب ؟ تغسل بالدموم
ياهـو اليجي يوليـك .. يا شــــعب الهموم
***
طوبه اوصرت ياحيف .. كـِلهـَه تـِرفسَـك
يعراقي شنهي الصار.. التـَمـَّـت تـِفـِرْسَـك
***
سـاحة حـَـرب يـردوك .. نصبوْ مدافع
فـوگ الفگـر والضيم .. للجاره دافـِـع
***
لعيونه كلشي ايهون .. جار المصايب
واليرضه باللسـعات كل وكتـَه خايـب
***
فـَرْغو وطنه افلوس .. هم خيره منهوب
للجاره كلهه اتروح .. والحرب عالبوب
***
(يالملحه) ربّي اولاد .. زتي للحروب
حصتچ عـَـلـَم ملفوف .. وانتي بالدروب
***
حكام اجونه اجناب .. امن الجاره صوغه
صار العراق اتراب .. وابگلبه شـــوغـَه
***
چـَـنـَّـك تظل منذور .. للحرب دومك
يالشعب نايم ليـش .. طولت نـومـك
***
مولح صبيهه العين .. من صب الدموع
من الزغر لليوم .. بـس نـبچي وانـلوع
-------------------------------------
21 / آب / 2019
ســـــــــــــتوكهولم
|
التعليق والتصويت على الموضوع في الموقع الرئيسي
.. موسيقى وأجواء بهجة في أول أيام العام الدراسى بجامعة القاهرة
.. بتكلفة 22 مليون جنيه.. قصر ثقافة الزعيم جمال عبد الناصر يخلد
.. الكلب رامبو بقى نجم سينمائي بس عايز ينام ?? في استوديو #معكم
.. الحب بين أبطال فيلم السيد رامبو -الصحاب- ?
.. لعبة الافلام الأليفة مع أبطال فيلم البحث عن منفذ لخروج السيد