الحوار المتمدن
- موبايل
الموقع
الرئيسي
شعر الفرات الأوسط (دارمي)-
ميسون نعيم الرومي
2019 / 9 / 4الادب والفن
![](https://ahewar.net/Upload/user/images/1a170671-cd26-49e7-94ea-e0e0f3f1f568.jpg)
شعر الفرات الأوسط (دارمي)-
ميسون نعيم الرومي
نتوچه ع الخيبات نزحف على الراگ
اتعلمنه حني الراس والنفس هالضاگ
***
متفقه كلهه اليوم تمحي الجريمة
سلطة دجل نواب .. قسْـموا الغنيمه
***
-(إدعاء..اوقضاء .. هيئة نزاهه)-
تستر على اللي باگ .. موت اللفاهه
***
تثرد خبز بادموع سـكته اوبلا حس
تحمل ظلم چم دوب ! مـَـشبـَعـِت مو بس!
***
آخ الوكـت چـم آخ .. يوميه شــِـدَّه
شابعنه هم او ضيم .. بس احنه عنده!
***
شدوله چن نجمات .. للحرب ودوه
هذا الوطن ياحيف .. هالحرثه سوّه
***
نايب عريف ايصير عنده شهاده!!
والصايـع البـوّاگ يحكم بـِـلاده
***
يا شـَـعـب يا مضيوم .. بسـّـنـَه امن الحروب
امن اجـل الكـراسـي ليش .. دَمـَّـنه ابهالدروب
***
صار السكوت اليوم .. عدنه ثقافه
نحمل مذله اوضيم .. سارق نخافه
***
فكر الأصيل ايدوم .. يضوي اويه لنوار
ابضيم انكتب وادموع .. وابدم الاحرار
***
محنه اوصراع انعيش .. والگلب جمـَّر
نلـَـزّگ ابهذه اوذاك .. خلونـَه نـِفـْـتـَـر
***
فصل الحكم ع الدين .. هذا النريده
تـتـمـَـدّن الأرياف .. تحله القصيـده
***
مادامت اومتدوم .. هاي الكراسي
روح اقره بالتاريخ .. لو جنت ناسي
***
ما الهه والي اتصير .. تاليهه طشار
كلهه تشمع الخيط .. يلحگهم العار
---------------------------------------------
أيلول / 2019
ســــــــتوكهولم
|
التعليق والتصويت على الموضوع في الموقع الرئيسي
.. كندة علوش ملهاش في الأكشن وبتمنتج معايا أفلامى .. عمرو يوسف
![](https://i4.ytimg.com/vi/RSGQg_HZxto/default.jpg)
.. كيف برأ الباحث إسلام بحيري فراس السواح و يوسف زيدان من التط
![](https://i4.ytimg.com/vi/q7tR4xEghgo/default.jpg)
.. -للحديث عن الغناء الكلاسيكي-.. صباح العربية يلتقي بالفنان ال
![](https://i4.ytimg.com/vi/ucU1G9Y2A08/default.jpg)
.. الفنان السعودي مشعل تمر يوصف شعوره في أسبوع الأزياء بباريس
![](https://i4.ytimg.com/vi/AJSfnTLpqZM/default.jpg)
.. الفنان السعودي مشعل تمر يتحدث عن حصوله على مليار مشاهدة على
![](https://i4.ytimg.com/vi/T3iC1GTlT_M/default.jpg)