الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
وردة - نص شعر شعبي عراقي
عبدالكريم هداد
(Abdulkarim Hadad)
2006 / 5 / 20
الادب والفن
ياضي الفرح
ثلج الشتا طاح
فزيت الصبح
ومَا لگيت وردة
گلي أي خبر
ياغيم الرياح
هي اسرار دنيا
وحالي ودّه
الجنة..
هي روح الأنسان
وجهنم..
من يصير الحزن
عنده
گولي :
شعندچ من ورد ،
وشعندچ أسرار !
شو ضاع الورد
وما بسنه خده
***
فيض من الحسن
والحسن ياصاح
من كلشي اترسم
وألوانه فرحه
حلوات الليالي
والحب
مهنة اجْراحْ
شاطيب ياجرح
لو هاض ملحه
يگلي صاحبي
شو دايخ اشبيك..؟
وما يدري العشگ
بالسهر يصحه
شگد بيّ خلگ
وبالسكته مغناي
ادندن غنوتي
وفززني صبحه
***
يا ضي الندى
نجم الصبح لاح
گاعد من وكت
وكل وكتي لحنَه
أنا حبيت الحلو
وبشوفته ارتاح
لو يمّي أدوخ
وحيل دِخْنَا
يالطبعك غنج
وأطباعك إملاح
ما ضگنه الطعم
ولا كلشي شفنه
ياسولة عذاب
ومرتضي بيه
خواطر من جنون
وبيهَا تهنَا
گلي اشلون..
اشلون اشلون
أنبيك
نبؤاتك عشگ
وبالعشگ عشْنا
***
نور وجهك
حيرة
والسما جناح
ومرام العندي حبك
يوسع العين
سهرت الليل
حفلة عشگ وأفراح
بحيرة من الوداد
وعيد طفلين
گلي اشلون بيك
اشلوني ويّاك
انا بواهس مدينة
وعطش نهرين
رويني بسرابك
ولك مهضوم
أنا لهذا العشگ
ماعيش مرتين .
13-2-2006
|
|
التعليق والتصويت على الموضوع في الموقع الرئيسي
.. مهرجان كان السينمائي: الفيلم المصري -شرق 12- لهالة القوصي ف
.. تفاعلكم | 25 سؤالا مع المخرجة رشا شربتجي
.. بتقنية -التزييف العميق-.. أول فيلم روائي طويل عن حياة الرئيس
.. شاهد: الشرطة الإسبانية تستعيد لوحة للفنان بيكون سُرقت قبل تس
.. بخاطر في التمثيل ومابخافش من أي دور سهر الصايغ عارفة إنه سلا
