الحوار المتمدن - موبايل
الموقع الرئيسي


سبع بوسات - شعر شعبي عراقي

عبدالكريم هداد
(Abdulkarim Hadad)

2006 / 6 / 2
الادب والفن


سبع بوسات
مني إلك
وحدك
ملفوفة بورق
وردات
مثل فزّة ضوة
لمعة
وتجدح بخدك
سبع بوسات
بيها الشوگ ختيلان
برد ولفلفك عرگان
واهس واشتعل ظلك
ماراشف ذبول
وضي خجل نعسان
مثل خيط الذهب
طشارة وهج
وامطرز الفستان
دايخ بالجسد عطرك
شم بيه القرنفل ..
والهوى سهران
من أول أمس
خطف لوني وتطشر
وشألم منك .. واضمك
سبع بوسات
وانت من الهوى اشعندك..؟
شِدَهْ روحي
انتباهَة ، ومغربية عيد
هلال وشافته الجيران
غيمة بچف صحاري
والبحر عطشان
وظلك .. بلل البستان
طَشرْني حديقة بيت
ياس وخالط الريحان
نسمة من تلوذ ابفيّةْ الصيف
نشنشني بمراجيحك ..
ريحة مطر .. لو كَِيفْ
وآنا اللي الرسمتك دفو
وأنت قصيدة ليل
بيها بحيرة سهر
وشعرك نواعم سيف
شمشمت بيك الورد
وياك خلگي اطْوِيل
انت صَفنتي صِرِتْ ..
خيط الفجر
انْحيلْ
بشباچْ ليل الهوى
حچاية صِهيل الخيل
مثل الفراشة طرت
بروحي
وخذتها اتْهيل ...؟
ورديت نبع الصخر
فیض واچملك سيل
وَجَّةْ ضوة
باللعب
مابيك لولَه وميل
كلهن إلك
ياحلو
فدوة يروحن ..حيل
والروح فدوة الك
وگلبي بهواك يبات
بس انت
والله إلك .. مني
سبع بوسات
ملفوفة شوگ وغزل
بماي الندى وردات .


21-5-2006





التعليق والتصويت على الموضوع في الموقع الرئيسي


اخر الافلام

.. أعظم لقطات السينما المصرية صورها سعيد الشيمي ??


.. إزاي تصور جوه الأتوبيس بكاميرا سينما.. مهمة مش سهلة خالص ??




.. كل الزوايا -ليلة في حب سيدة المسرح العربي .. تكريم الفنانة س

.. وائل شوقي.. الفنان المصري -العبقري- يبهر جمهور بينالي فينيسي



.. ستايل توك مع شيرين حمدي - لقاء مع الفنانة علا رشدي وحديث خاص