الحوار المتمدن - موبايل
الموقع الرئيسي


ارد أسألك يشباط

ميسون نعيم الرومي

2020 / 2 / 8
الادب والفن


ارد أســألك يشـباط يالجانـَـه..
ليـش ابجيتك تتطشـَّـر ادمانه؟
اوليش الأمم تزهر ارضهه ازهور واتغني
واحـنـَه امن الهضم وجـَّـت بگايانـَه
***
ارد اســألك والدَمع نهـران عَ الخـَـديـن
ليش العراق ابكل وكـت مظلومه شبـّـانه؟
والأم العراقيه تنبش بالأرض..واتريد ابنهه ايعود
او ليش امهات الناس تنطر ولدهه اوبيهه فرحانه؟
***
كل الدول مســروره بالثـَـروات وامكيـفـَـه
حصتنه امن النفط..ذل اوقهر..وادموع منهانه
ابذيچ السـَـنه يشـباط .. من گبل (ســت) اعـقـود
لـَمـّـوا بالشـــبـاب .. اومـردَوا اچـْـلانـَـه
***
صارت مجـْـزَرَه .. واعـتـِدَوا عَ الحـرّات
مغسولين..ما عدهم شرف.. يا سـبب بلوانه
-(وصفي،اكريم اومهداوي) بيرغ للعراق اوعز
كتلوهم غدر .. وانباع العراق اوخرب ميزانه
***
وابـواب الجـَحـيـم انفكت ابذاك اليـوم
تـطـْحـَـن بالشعب..مابـَطـِلـَـت دنيانـَه
شـو راح الفـَـرج..من أهـَـد ذاك اليوم!!
صرنه ع الحديد..والخير الغلگ بيبانه
***
تاريخك يا (عراق) اتجدد اوچا ليش ؟
مظلومه ظلم هالناس..جوعانه عطشـانـَه
شـحچي..شـَـگولـَـن! (يشباط) بسـَّـك عاد
مـن دون الدول لعراق .. مـَسـْـبـيه شبانه
***
إغدرت (يشباط) ماخليت..اجداد والآباء والأبناء
رديـت اوعلى (الأحفاد)..واشــمالك اويانـَه؟؟؟
ارد اسألك يشباط هاليوم اوباچر اوكل يوم
ليش ابجيتك كل السنين اوهالسنه .. اغدرت اويانه؟
-------------------------------------------------------
اهديها الى وطني بمناسبة مرور57سنة
على انقلاب 8/شباط/63الأسود
----------------------------------------
8/شباط/2020
ســــــــــــــــــــــــتوكهولم





التعليق والتصويت على الموضوع في الموقع الرئيسي


اخر الافلام

.. كندة علوش ملهاش في الأكشن وبتمنتج معايا أفلامى .. عمرو يوسف

.. كيف برأ الباحث إسلام بحيري فراس السواح و يوسف زيدان من التط



.. -للحديث عن الغناء الكلاسيكي-.. صباح العربية يلتقي بالفنان ال

.. الفنان السعودي مشعل تمر يوصف شعوره في أسبوع الأزياء بباريس




.. الفنان السعودي مشعل تمر يتحدث عن حصوله على مليار مشاهدة على