الحوار المتمدن - موبايل
الموقع الرئيسي


لو مش حافظ دعاء الخروج للخلاء؛ ضرورى تحفظ دعاء الغسيل

أيمن غالى

2020 / 2 / 10
كتابات ساخرة


● رايح فين يا أوستاذ ؟
○ داخل التواليت
● تواليت إيه يا أوستاذ؛ إسمه الخلاء
○ خلاء إيه يا عم؛ هو أنا داخل صحرا ؟ دي حتة متر في متر بين أربع حيطان وسقف
● هو خلاء .. ده لو عاوز تدخل
○ خلاء خلاء؛ عديني أدخل
● إسمها الخروج للخلاء
○ خروج إيه بس؛ أنا بره وعاوز أدخل جوه؛ يبقي خروج إزاي ؟! ماشي يا سيدى عاوز أخرج للخلاء بتاعك
● هي زريبة من غير بواب ؟ حافظ دعاء الخروج للخلاء ؟
○ يا عم الله يسترك أنا علي الآخر وعلي وش فضيحة
● مالناش فيه .. حافظ؛ حا تسمّع وتدخل
○ مش حافظ
● خلاص .. خود الدعاء مكتوب أهوه .. قوله بنطق ولسان سليم وخَلِّى بالك من التشكيل وسمّعني بصوت عالي
○ يا عم أنا مش شايف قدامي .. أبوس إيدك .. سيبنى أدخل أو أخرج أو أتنَيِّل على عينى .. أرجوك أنا داخل علي فضيحة
● خلاص حا أساعدك .. قول ورايا
○ خلااااااص أهي نزلت يا خويا وإتفضحت ومش عاوز أدخل ولا أخرج؛ الله يحرق أمثالك .. فيه مغسلة قُرَيِّبَة من هنا ؟
● حافظ دعاء الغسيل ؟





التعليق والتصويت على الموضوع في الموقع الرئيسي


اخر الافلام

.. فيلم #رفعت_عيني_للسما مش الهدف منه فيلم هو تحقيق لحلم? إحساس

.. الفيلم ده وصل أهم رسالة في الدنيا? رأي منى الشاذلي لأبطال في



.. في عيدها الـ 90 .. قصة أول يوم في تاريخ الإذاعة المصرية ب

.. أم ماجدة زغروطتها رنت في الاستوديو?? أهالي أبطال فيلم #رفعت_



.. هي دي ناس الصعيد ???? تحية كبيرة خاصة من منى الشاذلي لصناع ف