الحوار المتمدن - موبايل
الموقع الرئيسي


حائط وعشاق

وليد المسعودي

2020 / 3 / 3
الادب والفن


اشوف الشارع مغفي
ولابس بالنهار أسود
واشوف إثنين مفتركين
والحسرات ما تنعد
مو جنه كتاب وما قريته
ولا جنه عشق ما دوريته
هاي اكلوب هاي اكلوب
كل واحد سكن بيته
هاي اكلوب هاي اكلوب
كل واحد سكن بيته
وللسما
وللسما
نجمة وكمر ما تصعد
نجمة وكمر ما يصعد

***************

اشوف الشارع مغفي
ولابس بالنهار أسود
واشوف عيون يا ابو عيون
بس نظرات ما تنرد
مو جنه عطش والماي حله
ولا جنه كمر ويريد طله
هاي اكلوب هاي اكلوب
مثل حايط وكف ظله
هاي اكلوب هاي اكلوب
ألف حايط وكف ظله
وللهوا
وللهوا
وردة وعطر ما لاحد
وردة وعطر ما لاحد

****************

أشوف الشارع مغفي
ولابس بالنهار أسود
واشوف دروب محسوبة
على العشاق بس تنسد
موجنه درب كله رصاص وخوف
ولا جنه عمر راكض ورا الملهوف
هاي اكلوب هاي اكلوب
مثل بستان بس معيوف
هاي اكلوب هاي اكلوب
مثل بستان بس معيوف
وللعشك
وللعشك
شبكه وحض ما لاحد
شبكة وحضن ما يبرد

١_ مغفي : غافي
٢_ مفتركين : مفترقين
٣_ تنعد ؛ تنحسب وتعد
٤_ جنه؛ كأنه
٥_ قريته : قرأته
٦_ دوريته ؛ بحثت عنه
٧_اكلوب ؛ قلوب
٨ _كمر : قمر
٩_ عيون يا ابو عيون ؛ وعيون وعيون كثيرة
١٠_ نظرات ما تنرد : نظرات ثابتة جريئة
١١_ وكف ؛ وقف
١٢_ معيوف : متروك
١٣_ شبكة؛ عناق





التعليق والتصويت على الموضوع في الموقع الرئيسي


اخر الافلام

.. أمسيات شعرية- الشاعر فتحي النصري


.. فيلم السرب يقترب من حصد 7 ملايين جنيه خلال 3 أيام عرض




.. تقنيات الرواية- العتبات


.. نون النضال | جنان شحادة ودانا الشاعر وسنين أبو زيد | 2024-05



.. علي بن تميم: لجنة جائزة -البوكر- مستقلة...وللذكاء الاصطناعي