الحوار المتمدن - موبايل
الموقع الرئيسي


كلمتي نور .. (من شعر العامية المصرية)

احمد علي بدوي

2020 / 3 / 25
الادب والفن


(كلمتي نور ..)
أشُقّ الضلمه بالكلمة ..
و اعدّي بحور ...
و الفّ الكون في أُمسيّه ...
و اعود مسحور ....
و يستهويني في الملكوت ..
غُنا العصفور ..
و طلعة شمس ... و القمرة ف شباكى ...
و ابات الليل و انا باكي ...
و أصحي الفجر وياكي ...
نقول أناشيد ....
يا فجر جديد ...
صباح الخير علي الدنيا ...
صباح النور علي الانسان ..
أنا الشقيان علي اللقمة ..
باحب النور .....
و أكره عتمة الضلمة ....
و ضِلّ السُّور .....
و لما أغني موالي ...
ما اقولشي: ياليل ....
باقول: يا نهار ...
و احب الجار ...
و انادى الخلق ويايا ...
عَشَا و فطار ...
يشاركوني ..
أنا الشقيان علي الإنسان ..
و أهل الله يباركونى ....
أنا التلميذ ...
و مدرستى ..
حواري و دُور ...
و زحمة ناس بتستني ...
قَدَر مَقدُور ..
و فارس للخلاص غايب ...
أمل مكسور ...
أنا الانسان ....
لا انا شيطان ..
و لا ودي .... اني ابقي ملاك...
يا ريت تقبل ....
و انا وياك .....
اخي الانسان:
تحياتى ...
**********





التعليق والتصويت على الموضوع في الموقع الرئيسي


اخر الافلام

.. دينا الشربيني: السينما دلوقتي مش بتكتب للنساء.. بيكون عندنا


.. كلمة أخيرة - سلمى أبو ضيف ومنى زكي.. شوف دينا الشربيني بتحب




.. طنجة المغربية تحتضن اليوم العالمي لموسيقى الجاز


.. فرح يوسف مهرجان الإسكندرية للفيلم القصير خرج بشكل عالمى وقدم



.. أول حكم ضد ترمب بقضية الممثلة الإباحية بالمحكمة الجنائية في