عرضت قناة كورد سات التابعة للإتحاد الوطني الكردستاني برنامجا بعنوان " عودة الأمل " تضمن لقاءات مع عدد من المعتقلين العراقيين السابقين ، الذين أرسلهم نظام صدام البائد إلى إيران على اعتبارهم أسرى إيرانيين ، أثناء تبادل الأسرى بين البلدين .
وكشف أحد هؤلاء المعتقلين وهو أنيس فخري محمد النقاب عن أن شاكر حامد مراسل قناة أبو ظبي الفضائية تجاهل وجود مئات المعتقلين العراقيين الذين كان يراهم بأم عينه ، خلال تصوير ريبورتاج للقناة المذكورة عن مسرحية العفو الصدامي العام ، وأكد بصوته المبحوح أن السجون قد خلت تماما من المعتقلين السياسيين !
وأسهب فخري في شرح ما فعله شاكر حامد القابع الآن في قبو مكتب قناة أبو ظبي ببغداد خوفا من انتقام الجماهير العراقية التي تعرف مدى التصاقه بالنظام البائد ، قائلا بالحرف الواحد : والله هو الذي صدر إنتو سمعتوه عفوا شاملا وكاملا ، من هالدعايات هايه مالته ، زين ، فشملت العراقيين ، إحنا موجودين طبعا ،شملت العراقيين  إحنا قلنا الحمد لله والشكر إحنا هم راح تشملنا ، فوراها قال تشمل العرب يعني هسه همه العرب يعني المصري والفلسطيني والأردني والسوداني صار ابن البلد اللي هسه هو قرة عينه عليهم ، ذوله صاروا ولد البلد ، واحنا طلعنا غربه ، يعني من أب وجد إحنا عراقيين وخدمة عسكرية خواني آباءنا أجدادنا نطلع غربه احنا ، نطلع مشردين إلى إيران ، زين ، فإجه هذا مراسل أبو ظبي ، هذا شاكر حامد ، اللي هذا آنا اعتبره مع احتراماتي إلكم يعني صدق يعني هذوله آنا اعتبرهم ساقطين يعني يخدمون النظام العراقي < السابق > يعني إجه يشوف هاي المجاميع احنا قدامه ويلزم القفل مال القسم الخامس يقول : لقد أخليت السجون العراقية واحنا موجودين قدامه ، زين ؟ ، يقول لقد أخليت السجون العراقية من كافة النزلاء ، زين ؟ ، وبعدين يواسينا يقول : إنتو هم الله يفرج عنكم ! مو إنت مراسل ، مو إنت صحفي ، ليش تخلي وجدانك … وكان يصور إي يصور، وإحنا قاعدين بصفه ، بالساحة مال يعني السجن ، زين ؟ ، هالشكل كان ، يعني هذوله شوف هذوله هم يعني يخدمون صدام ،زين ؟ ، يعني حتما عدهم مصالح اللي وياه مشتركين ، زين ؟ ، طبعا يروجون …