الحوار المتمدن - موبايل
الموقع الرئيسي


دولتنا اخترعت غرامة!!!

مشعل يسار
كاتب وباحث ومترجم وشاعر
(M.yammine)

2020 / 4 / 9
كتابات ساخرة


زجليّة لبنانية لمناسبة فرض الحكومة اللبنانية غرامة سير على السيارات الخاصة إذا خالفت القرار الأخير بشأن السماح للسيارات التي تحمل رقم لوحة مفردا أو مزدوجاً بالسير على الطرق حسب ايام الأسبوع
+++
يا عايش من عز الروح
الكورونا شغلة مهمة
وين ما بدك فيك تسوح
القعدة بالبيت مغِـمّة
بس المفرد مش مسموح
اليوم المجوز، يا عمي
مش عارف وين بدي روح
من الزهقة نشف دمي
ادفع ظبطك يا فركوح
الدولة عم تعمل لمّـــة
نهب وسرقة عالمفضوح
ويا جيابي شدوا الهمّة
ادفاع وقول للدولة: تفوح!
وما تحمّل بدنك سَــمّة
أحسن ما تاكل سحسوح
دفاع وروّقــــها بشمّة
وما تحكي! وصوتك مبحوح
بحيثك من أهل الذمة
ولا تخلي قلبك مقروح
فَـــقدِت دولتنا الدمّة
بس القصة وين ما بروح
شالوا اللقمة من تمي
الليرة والقرش المقدوح
متل الخــالة والعمّة
ما فينا نبكي ولا ننوح
أمريكا مش مهتــمة
وفرنسا قلبا مشروح
عفيوها من المهمة
جهز طوفانك يا نوح
لحكومات المنهمّة
وِبسرّك لَربك بوح
بركي بيعملّن جَمّة
***
09/04/2020





التعليق والتصويت على الموضوع في الموقع الرئيسي


اخر الافلام

.. وفاة زوجة الفنان أحمد عدوية


.. طارق الشناوي يحسم جدل عن أم كلثوم.. بشهادة عمه مأمون الشناوي



.. إزاي عبد الوهاب قدر يقنع أم كلثوم تغني بالطريقة اللي بتظهر ب

.. طارق الشناوي بيحكي أول أغنية تقولها أم كلثوم كلمات مش غنا ?



.. قصة غريبة عن أغنية أنساك لأم كلثوم.. لحنها محمد فوزي ولا بلي