الحوار المتمدن - موبايل
الموقع الرئيسي


وحشتيني

ميلاد ثابت إسكندر
(Melad Thabet Eskander)

2020 / 4 / 12
الادب والفن


وحتي إن كنت مش شايفك أنا بعيني
يا أمي في قلبي شـوق ليكي مخليني
بـفَّـكـر فـيـكـي مـش ناسي
وأنسي إزاي يا تاج راسي
يا نبض عروقي يا أنفاسي
يا مـالـكـه كـل احسـاســي
*** وحشتيني ***
وحشني الضحك في عنيكي
وحـضـنـك إللــي كان دفيان
ونفـســي في ضـمـه بإديكي
أنا مـشـتـاق لحـضـن حـنان
يا أمي يا دمي يا حـنـيـنـي
*** وحشتيني ***
وحـشـنـي الزغد في إكتافي
يا واد بقي قوم معادك راح
وأشـد بـقـوة فــي لـحــافـي
تناغشيني فـي كـل صـبـاح
وفـي الآخــر تـصـحـيـنـي
تعبتي كـتـير عشان أرتاح

دا أحلي فطار معاكي بجد
وشـاي مظـبـوط يـدفـيـني
وبـسـمـة بـتـتـرسم ع الخد
وبوسه كـبـيـره في جبيني
ودعــوه للـســمــا بـتـمــد
مـشـيـتـي لـيـه وسـبـتـيني
ده بـفـراقـك كـيـانـي اتهد
دموعي في قلبي مش عيني
وحزني شديد ومالهوش حد
وصرخـة شــوق بـتـكـويني

وايـه ب اديا ،،، وب ايـدِك
يا أحلي ذكـــري في سنيني
غير إني أحضن ف يوم عيدك
صورتك وأقولك وحشتيني
*** وحشتيني ***








التعليق والتصويت على الموضوع في الموقع الرئيسي



اخر الافلام

.. بيتر ميمى يطرح برومو -شلبى- قبل عرضه 4 يناير ويعلق: فيلم لكل


.. أيام قرطاج المسرحية.. أزمات المسرح التونسي والعربي تتصدر اهت




.. أزمات المسرح التونسي والعربي تتصدر اهتمامات أيام قرطاج المسر


.. فعاليات مهرجان الجزائر الدولي للسينما تستمر في تحدٍ لمنافسات




.. سينما -كل شي ماكو: فيلم عراقي يرصد الأسى الذي لحق بالعراقيين