الحوار المتمدن - موبايل
الموقع الرئيسي


كل الحاجات

عمر عبد العزيز زهيري
كاتب و باحث و شاعر
(Omar Abdelaziz Zoheiry)

2020 / 5 / 14
الادب والفن


سامحينى مش عارف اعيش
نفسى اللي ماعداش في صدرك ..خانقني مابيكفنيش
كل الحاجات حواليه بتفكرني بيكي..
الشوارع والقهاوي و البيوت
ليه الدقايق و الساعات...
من بعد ما جريت علينا...
دلوقتي مش راضيه تفوت
عربيتي نضارتي و هدومي حتي الملايه عالسرير.. بهتانه كالحه في عنيا...
عشش عليها العنكبوت
الاكل هربان منه طعمه
والريحه هاجرت مالعطور
الميه معدتش بتروي
القهوه بقت مره و بارده
و نهاري من ليلي غيور
كل الحاجات حواليه خاصمتني عشانك
حتي الكراسي و الحيطان
بوسه المطر, ضل الشجر, حضن الصباح, ضي القمر
و امالي في بكره و احساس الامان
كل الحاجات حواليه سابتني و هربت
و فضل لي بس ذكريات
طيف ابتسامه
وحلم مصاحبني في ليلي و في نهاري
عمال بيحكيلي عشان اقدر اعيش
حكايات زمان .





التعليق والتصويت على الموضوع في الموقع الرئيسي


اخر الافلام

.. صباح العربية | الفنانة الراحلة ذكرى تعود من جديد بتقنية -اله

.. مواجهة وتلاسن بكلمات نابية بين الممثل روبرتو دي نيرو وأنصار




.. المختصة في علم النفس جيهان مرابط: العنف في الأفلام والدراما


.. منزل فيلم home alone الشهير معروض للبيع بـ 5.25 مليون دولار




.. إقبال كبير على تعلم اللغة العربية في الجامعات الصينية | #مرا